ଓଡ଼ଗାଁ(ଶ୍ରୀକାନ୍ତ ମିଶ୍ର) : ବାହାଡ଼ାଝୋଲା ହାଇସ୍କୁଲ ୧୯୮୧ ମାଟ୍ରିକ୍ ବ୍ୟାଚର ବନ୍ଧୁମିଳନ ଉତ୍ସବ   ପଣସଖାଲ ଡ୍ୟାମଠାରେ  ଅନୁଷ୍ଠିତ  ହୋଇଯାଇଛି ।  ଅବସରପ୍ରାପ୍ତ ପ୍ରଧାନଶିକ୍ଷକ ଗୋପିନାଥ ସାହୁଙ୍କ ସଭାପତିତ୍ୱରେ ଏକ ସଭାର ଆୟୋଜନ କରାଯାଇଥିଲା ।  ପ୍ରଥମେ ପ୍ରଦୀପ ପ୍ରଜ୍ୱଳନ କରାଯାଇ ଉକ୍ତ ବନ୍ଧୁମିଳନ କାର୍ଯ୍ୟକ୍ରମକୁ ଉଦ୍ଘାଟନ କରାଯାଇଥିଲା । ଛାତ୍ରବତ୍ସଳ  ଶିକ୍ଷକ ଦିବଂଗତ ପଦ୍ମନାଭ କରଙ୍କ ସ୍ମୃତି ଉଦ୍ଦେଶ୍ୟରେ  ଦୁଇମିନିଟ୍ ନୀରବ ପ୍ରାର୍ଥନା କରାଯାଇଥିଲା ।  ଏଥିରେ ତତ୍କାଳୀନ  ଛାତ୍ରବତ୍ସଳ ଶିକ୍ଷକ ଅକ୍ଷୟ କୁମାର ଅତିବୁଦ୍ଧି ,କାର୍ତ୍ତିକେଶ୍ୱର ସୁବୁଦ୍ଧି ,ସତ୍ୟନାରାୟଣ  ତ୍ରିପାଠୀ , ଜୟକୃଷ୍ଫ ସୁବୁଦ୍ଧି ,ଶ୍ୟାମଘନ ସାହୁ , ସଙ୍କର୍ଷଣ ସାହୁ , ପିଅନ  ଜଗବନ୍ଧୁ ପଣ୍ଡା ପ୍ରମୁଖ ଯୋଗ ଦେଇଥିଲେ । ଛାତ୍ରମାନେ ଗୁରୁପୂଜା କରିବା ସହିତ ସମସ୍ତଙ୍କୁ ଫୁଲତୋଡ଼ା , ଉତ୍ତରୀୟ  ଏବଂ  ଉପଢୌକନ  ପ୍ରଦାନ କରିଥିଲେ । ଶିକ୍ଷକମାନଙ୍କର ବଳିଷ୍ଠ ଶିକ୍ଷାଦାନ ଯୋଗୁଁ ଏହି ବ୍ୟାଚର ସମସ୍ତ ଛାତ୍ରଶୃଙ୍ଖଳିତ ଭାବେ ସମାଜରେ ନିଜଗୋଡ଼ରେ ନିଜେ ଠିଆ ହୋଇପାରିଥିବାରୁ ଶିକ୍ଷକମାନଙ୍କୁ କୃତଜ୍ଞତା ଜ୍ଞାପନ କରିଥିଲେ । ଆଜିର ଏହି ବନ୍ଧୁମିଳନରେ ବ୍ୟାଚର ସମସ୍ତ ଛାତ୍ର ଉପସ୍ଥିତ ରହିଥିବା ବେଳେ ବିନୋଦ କୁମାର ସାହୁ ଆଜିର କାର୍ଯ୍ୟକ୍ରମ ସଂଯୋଜନା କରିଥିଲେ । ଦୀର୍ଘ ଅଠତିରିଶି ବର୍ଷ ପରେ  ଆଜି ଶିକ୍ଷକମାନଙ୍କ ଗହଣରେ ସମସ୍ତେ ଏକାଠି ହୋଇ ଅତୀତର ଅଭୁଲା ସୃତିକୁ ମନେ ପକାଇବା ସହିତ ନିଜ ନିଜର ସମ୍ପର୍କକୁ  ନିବିଡ଼ କରିଥିଲେ । ଏକାଠି ସମସ୍ତେ ପରସ୍ପରକୁ ପାଇ  ଭାବରେ ଲାଇଛି ସମୟ ପାଇଁ ଭାବବିହ୍ୱଳ  ହୋଇଯାଇଥିଲେ ।    ଉପସ୍ଥିତ ଗୁରୁଜୀବୃନ୍ଦ ଛାତ୍ରମାନଙ୍କର ଉଜ୍ଜ୍ୱଳ ଭବିଷ୍ୟତ କାମନା କରି ଆଶୀର୍ବାଦ ପ୍ରଦାନ କରିଥିଲେ ।