ମହିଳା ଏବଂ ବୟସ୍କ ନାଗରିକ ମାନଙ୍କ ନିମନ୍ତେ ଏକ ସ୍ୱତନ୍ତ୍ର କାଉଂଟର ଖୋଲିବା ପାଇଁ ନିର୍ଦେଶ
ରାୟଗଡା(ସରୋଜ ସାହୁ) ରାୟଗଡା ଜିଲ୍ଲାପାଳ ଅଚାନକ ଆଂଚଳିକ ପରିବହନ କାର୍ଯ୍ୟାଳୟ ପହଂଚି ସ୍ଥିତି ଅନୁଧ୍ୟାନ କରିଛନ୍ତି । ଆଂଚଳିକ ପରିବହନ କାର୍ଯ୍ୟାଳୟ ପରିସରରେ ଧାଡି ବାନ୍ଧି ଠିଆ ହୋଇଥିବା ଲୋକ ମାନଙ୍କ ସହ ଜିଲ୍ଲାପାଳ ପ୍ରମୋଦ କୁମାର ବେହେରା ସବିଧା ଅସୁବିଧା ସଂପର୍କରେ ପଚାରି ବୁଝିଥିଲେ । ଏଥି ସହ ଆରଟିଓ ଅଫିସ ଦଲାଲ ମୁକ୍ତ ହେବା ପରେ ଅସାଧୁ ଉପାୟରେ କିଏ ଲାଂଚ ମାଗୁଛନ୍ତି କି ନାହିଁ ସେ ନେଇ ଉପସ୍ଥିତ ଲୋକ ମାନଙ୍କୁ ପଚାରି ବୁଝିଥିଲେ । ଦୁଇ ଚକିଆ ଯାନ ଚଲାଇବା ସମୟରେ ହେଲମେଟ ଏବଂ ଚାରିଚକିଆ ଯାନ ଚଲାଇବା ସମୟରେ ସିଟ ବେଲ୍ଟ ବାନ୍ଧିବାକୁ ଲୋକ ମାନଙ୍କୁ ପରାମର୍ଶ ଦେଇଥିଲେ । ମହିଳା ଏବଂ ବୟସ୍କ ନାଗରିକ ମାନଙ୍କ ନିମନ୍ତେ ଏକ ସ୍ୱତନ୍ତ୍ର କାଉଂଟର ଖୋଲିବା ପାଇଁ ଆଂଚଳିକ ପରିବହନ ଅଧିକାରୀ ଦିଲ୍ଲୀପ କୁମାର ଦଳେଇଙ୍କୁ ନିର୍ଦେଶ ଦେଇଥିଲେ ।
