ପଦ୍ମପୁର/ନୀଳ ଦୀପ-  ବରଗଡ ଜିଲ୍ଲା ପଦ୍ମପୁରରରେ ଆଜି ୨୫ତମ ସର୍ବଭାରତୀୟ ବୋଡାସମ୍ବର କ୍ରିକେଟ କପର ଉଦଘାଟନୀ ଉତ୍ସବ ମହାସମାରୋହରେ ଅନୁଷ୍ଠିତ  ହୋଇଯାଇଛି  । ବୋଡାସମ୍ବର ସ୍ପୋର୍ଟିଂ, ପଦ୍ମପୁର ଆନୁକୁଲ୍ୟରେ ଆୟୋଜିତ ଏହି ଗୌରବମୟ କ୍ରିକେଟ ଟୁର୍ଣ୍ଣାମେଂଟକୁ ଜଣାଶୁଣା କ୍ରୀଡା ସଂଗଠକ ତଥା ପ୍ରଶାସକ ମହେନ୍ଦ୍ର ବଢେଇ ଓ ପଦ୍ମପୁର ଉପଜିଲ୍ଲାପାଳ ଦୌଲତ ଚନ୍ଦ୍ରାକର ମୁଖ୍ୟ ଅତିଥି ଭାବରେ ଯୋଗଦାନ କରି ଉଦଘାଟନ କରିଥିଲେ । ଚଳିତ ବର୍ଷ ପ୍ରତିଯୋଗିତାର ବିଜୟୀ ଦଳ ପାଇଁ ୧ଲକ୍ଷ ଟଙ୍କା ଏବଂ ଉପବିଜେତା ଦଳ ପାଇଁ ୫୦ ହଜାର ଟଙ୍କା ପୁରସ୍କାର ରାଶି ରଖା ଯାଇଥିବା ବେଳେ ସମସ୍ତ ମ୍ୟାଚକୁ ୨୦-୨୦ ଫର୍ମାଟରେ ଖେଳାଯିବ । କେବଳ ସେମିଫାଇନାଲ ଓ ଫାାଂଲ ମ୍ୟାଚ ୪୦ ଓଭର ବିଶିଷ୍ଟ ହେବ  । ଏହି ଟୁର୍ଣ୍ଣାମେଂଟରେ ରାଜ୍ୟ ଓ ରାଜ୍ୟ ବାହାରୁ ବଛା ବଛା ୨୦ ଗୋଟି ଦଳ ଭାଗ ନେବେ ବୋଲି ସମ୍ମତି ଜଣାଇଛନ୍ତି । ଫାଇନାଲ ମ୍ୟାଚ ଅସନ୍ତା ଜାନୁୟାରୀ ୨୦ରେ ଅନୁଷ୍ଠିତ  ହେବ ଏବଂ ସେମିଫାଇନାଲ ଓ ଫାଇନାଲ  ମ୍ୟାଚ ୪୦ ଓଭର ହେବବୋଲି ବୋଡାସମ୍ବର ସ୍ପୋର୍ଟିଂ  ସମ୍ପାାଦକ  ଭରତ ପଣ୍ଡା ପ୍ରକାଶ କରିଛନ୍ତି  ।