ଝାରବନ୍ଧ/ସଦାନନ୍ଦ ବେହେରା-ଝାରବନ୍ଧ ବ୍ଳକ ଅନ୍ତର୍ଗତ ଗୌଡମାଲ ପଲ୍ଲିମଙ୍ଗଲ ଯୁବକସଂଘ ଆନୁକୁଲ୍ୟରେ ଦ୍ୱିଦିବସୀୟ ଫୁଟବଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି  । ପ୍ରତିଯୋଗିତାକୁ ବିଜେପି ନେତା ସୁବାଷ ଚୌହାନ ଯୋଗଦେଇ ଶୁଭ ଉଦଘାଟିତ କରିଥିଲେ । ଏହି ପ୍ରତିଯୋଗିତାରେ ଓଡିଶା,ଛତିଶଗଡ,ଅନଗୁଲ,ଧୁମାଭଟା, ବରଭଟା, ନୂଆଁପଡା, ବୁଧାପାଲି, ଡୁଙ୍ଗୁରିପାଲି, ବରିହାପାଲି, ଯୁଗୁମୁପାଲି, ଘୁଚାପାଲି ଓ ଆୟୋଜକ ଗୌଡମାଲ ଦଳ ଅଂଶଗ୍ରହଣ କରିଥିଲେ । ଫାଇନାଲ ମ୍ୟାଚ ଧୂମାଭଟା ଓ ବରଭଟା ମଧ୍ୟରେ ଅନୁଷ୍ଠିତ ହୋଇଥିଲା । ଖେଳ ଅମିମାଂସିତ ହୋଇଥିଲା ଶେଷରେ ଟାଇବ୍ରେକର ମାଧ୍ୟମରେ ବରଭଟା ଦଳ ବିଜୟୀ ହୋଇଥିଲା । ଉଦଯାପନୀ ଉତ୍ସବରେ ଲଉଡିଦର୍ହା ସମିତିସଭ୍ୟ ନରେନ୍ଦ୍ର ପ୍ରଧାନ ମୁଖ୍ୟଅତିଥି ଭାବରେ ଯୋଗଦେଇ ବିଜେତା ଦଳକୁ ପୁରଷ୍କୃତ କରିଥିଲେ । ଅନ୍ୟମାନଙ୍କ ମଧ୍ୟରେ ଗଙ୍ଗାଧର ସାହୁ,ଭୂବନେଶ୍ୱର ପ୍ରଧାନ ମଚାଂସିନ ଥିଲେ । ପ୍ରତିଯୋଗିତାରେ ଦୀପକ ରାଜହଂସ,ଚିତରଂଜନ ପାଣ୍ଡେ, ସୁଜିତ ରାଜହଂସ, କ୍ଷୀରସିନ୍ଧୁ ବେହେରା ଓ ଭବାନୀ ମାଝୀ ଖେଳପରିଚାଳନା କରିଥିଲେ । ପଲ୍ଲିମଙ୍ଗଲ ଯୁବକସଂଘର ସୁଜିତ ସରାଫ, ମଳୟ କାଣ୍ଡ, ନିରଂଜନ ଜାଲ, ଗୋକୁଳା ବାରିକ, ଦିନେଶ ପଶାୟତ, ଶିବାଜୀ ବାଗ ଓ ରିଙ୍କୁ ପ୍ରଧାନ ପ୍ରମୁଖ ସହେଯୋଗ କରିଥିଲେ ।