ରେଢ଼ାଖୋଲରୁ ଯଶୋବନ୍ତ ନାରାୟଣ ସାହୁ : ରେଢ଼ାଖୋଲ ବ୍ଲକ ମହୁଲମୁଣ୍ଡା ପଡ଼ିଆରେ ଚାଲିଥିବା ୧୦ତମ ଭିପିଏଲ କ୍ରିକେଟ ଟୁର୍ଣ୍ଣାମେଣ୍ଟ୍ ଉଦଯାପିତ ହୋଇଯାଇଛି | ଫାଇନାଲ ମ୍ୟାଚରେ କୁକୁଡ଼ାବାହାଳୀକୁ ହରାଇ ବଡ଼ବାହାଳ ଚାମ୍ପିଅନ୍ ହୋଇଛି I ବଡ଼ବାହାଳ ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା |  ନିର୍ଦ୍ଦାରିତ ୧୦ ଓଭର ରେ ୬ ଓ୍ୱିକେଟ୍ ହରାଇ୧୧୫ ରନ କରିଥିଲା | ଜବାବରେ କୁକୁଡ଼ାବାହାଳୀ ତାର ସମସ୍ତ ଓ୍ୱିକେଟ ହରାଇ ୬୯ ରନ୍ କରି ପରାଜିତ ହୋଇଥିଲା I ଉଦଯାପନୀ ସମାରୋହରେ ମୁଖ୍ୟ ଅତିଥି ଭାବେ ମହୁଲମୁଣ୍ଡା ଆଂଚଳିକ ଚଷା ସମାଜର ସମ୍ପାଦକ କଷ୍ଟଚରଣ ସାହୁ ଏବଂ ପ୍ରହଲ୍ଲାଦ ସାହୁ ଚାମ୍ପିଅନ୍ ଦଳକୁ ନଗଦ ୭ ହଜାର ଟଙ୍କା ଓ ଟ୍ରଫି ଏବଂ ରନର୍ସ ଅପ୍ ଦଳକୁ ୫ ହଜାର ଟଙ୍କା ସହ ଟ୍ରଫି ପ୍ରଦାନ କରିଥିଲେ I ସମ୍ମାନିତ ଅତିଥି ଭାବେ ଇନ୍ଦ୍ରମଣି ପ୍ରଧାନ,ରାଜେନ୍ଦ୍ର ପ୍ରଧାନ,ବୈଷ୍ଣବ ପ୍ରଧାନ ,ବୈକୁଣ୍ଠ ସାହୁ ,ଜ୍ଞାନ ରଂଜନ ସାହୁ,ରାଧେଶ୍ୟାମ  ସାହୁ ଯୋଗ ଦେଇଥିଲେ I ବଡ଼ବାହାଳର ଲୁଲୁ  ଙ୍କୁ ମ୍ୟାନ  ଅଫ୍ ଦି ମ୍ୟାଚ  ଏବଂ ମ୍ୟାନ ଅଫ୍ ଦି ସିରିଜ ପୁରସ୍କାର ଦିଆଯାଇଥିଲା I ଫାଇନାଲ ମ୍ୟାଚକୁ ମଣ୍ଟୁ ସାହୁ ଓ ଜିତୁ ସାହୁ ପରିଚାଳନା କରିଥିଲେ I ଆରତ ପ୍ରଧାନ ସ୍କୋରର୍ ଓ ଭରତ ପ୍ରଧାନ ଧାରା ବିବରଣୀ ଦେଇଥିଲେ I ଆୟୋଜକ ଏସସିସି କ୍ଲବର ସୁଶାନ୍ତ ସାହୁ,ପପୁ ସାହୁ,ଦୁର୍ଜୟ ସାହୁ ,ମୁନା,ଟୁନା,ହେମନ୍ତ ,ମିଥୁନ ପ୍ରଧାନଙ୍କ ସହ ଅନ୍ୟମାନେ ସହଯୋଗ କରିଥିଲେ I