ପଦ୍ମପୁର/ନିଳ ଦୀପ-ପଦ୍ମପୁର ଉପଖଣ୍ଡସ୍ଥ ପାଇକମାଳ ବ୍ଳକ ଛିନ୍ଦେଇକେଲା ମିନି ଷ୍ଟାଡିୟମରେ ଚାଲିଥିବା ଗ୍ରୃପ-ବି ପର୍ଯ୍ୟାୟରେ ଚାଲିଥିବା ଲିଗ୍ ମ୍ୟାଚରେ ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ବିଲାସପୁର ରେଲୱେ କୁ ହରାଇ ସେମିଫାଇନାଲରେ ପ୍ରବେଶ କରିଛି। ଜାମସେଠ ପୂର୍ବତନ ସରପଞ୍ଚ ପ୍ରମୋଦ ରାୟ ମୂଖ୍ୟ ଅତିଥି ଭାବେ ଯୋଗଦେଇ ଖେଳ ଉଦଘାଟନ କରିଥିଲେ। ଖୋର୍ଦ୍ଧା ରେଲୱେ ପ୍ରଥମ ବ୍ୟାଟିଂ କରି ନିର୍ଦ୍ଧାରିତ ୩୦ ଓଭରରେ ସନ୍ଦିପ ମୂଲିଆଙ୍କ ୭୩ ରନ (୬୬ବଲ) ଓ ସୁଜିତ ଲେଙ୍କାଙ୍କ ୩୩ ରନ (୨୪ବଲ) ସହାୟତାରେ ୬ ୱିକେଟ ହରାଇ ୧୯୯ ରନ ସଂଗ୍ରହ କରିଥିଲେ। ଏହାର ଜବାବରେ ବିଲାସପୁର ରେଲୱେ ଦଳର ସୁଶାନ୍ତ ସୁକନ୍ୟା ୨୭ ରନ (୩୩ବଲ) ଓ ରୋହିତ ଧ୍ରୁବ ୨୩ ରନ (୨୩ବଲ) ୯ ୱିକେଟ ହରାଇ ୧୨୨ ରନ ସଂଗ୍ରହ କରି ୭୭ ରନରେ ଖୋର୍ଦ୍ଧା ବିଜୟୀ ହୋଇଥିଲେ। ଓସିଏ ଅମ୍ପାୟର ସଞ୍ଜୟ ନାୟକ ଓ ସଚ୍ଚିଦାନନ୍ଦ ପଣ୍ଡା ଖେଳ ପରିଚାଳନା କରିଥିଲେ। ବୁନିଲ ସାହୁ ସ୍କୋରର ଥିବା ବେଳେ ପତିତପାବନ ସାହୁ ଧାରାବିବରଣୀ ପ୍ରଦାନ କରିଥିଲେ। ପୁରସ୍କାର ବିତରଣୀ ଉତ୍ସବରେ ମନୋଜ ସାହୁ ମୁଖ୍ୟ ଅତିଥି ଓ ପ୍ରହଲ୍ଲାଦ ସାହୁ ସମ୍ମାନିତ ଅତିଥି ଭାବେ ଯୋଗଦେଇ ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ଦଳର ସନ୍ଦିପ ମୂଲିଆଙ୍କୁ ମ୍ୟାନ ଅଫ ଦି ମ୍ୟାଚ ଦେଇଥିଲେ। ଆସନ୍ତା କାଲି ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ବନାମ ଜାମସେଦପୁର ମଧ୍ୟରେ ସେମିଫାଇନାଲ ହେବ ବୋଲି କମିଟି ଉପଦେଷ୍ଟା ଆନନ୍ଦ ସାହୁ ଜଣାଇଛନ୍ତି।