ପଦ୍ମପୁର/ନିଳ ଦୀପ-ବରଗଡ଼ ଜିଲ୍ଲା ପାଇକମାଳ ବ୍ଳକ ଛିନ୍ଦେଇକେଲା ମିନି ଷ୍ଟାଡିୟମରେ ଚାଲିଥିବା ଗ୍ରୃପ -ବି ପର୍ଯ୍ୟାୟରେ ପୁରୀକୁ ହରାଇ ଜାମସେଦପୁର ସେମିଫାଇନାଲରେ ପ୍ରବେଶ କରିଛି। ଜାମସେଠ ସରପଞ୍ଚ ରମ୍ଭା ତାଣ୍ଡି ଅତିଥି ଭାବେ ଯୋଗଦେଇ ଖେଳ ଆରମ୍ଭ କରିଥିଲେ। ଜାମସେଦପୁର ପ୍ରଥମ ବ୍ୟାଟିଂ କରି ନିର୍ଦ୍ଧାରିତ ୨୫ ଓଭରରେ ସୈାରଭ ପଣ୍ଡାଙ୍କ ୫୧ ରନ ଓ ରବି ପାଣ୍ଡେଙ୍କ ୪୪ରନ ସହାୟତାରେ ୧୭୯ ରନ୍ ସଂଗ୍ରହ କରିଥିଲେ। ଏହାର ଜବାବରେ ପୁରୀ ଦଳ ୨୩.୪ ଓଭର ଖେଳି ସମସ୍ତ ଓକେଟ ହରାଇ ୫୪ ରନ ବ୍ୟବଧାନରେ ପରାଜିତ ହୋଇଥିଲେ। ଓସିଏ ଅମ୍ପାୟର ସଞ୍ଜୟ ନାୟକ ଓ ସଚ୍ଚିଦାନନ୍ଦ ପଣ୍ଡା ପରିଚାଳନା କରିଥିଲେ। ପିଣ୍ଟୁ ସାହୁ ସ୍କୋରର ଥିବା ବେଳେ ନରେଶ ସାହୁ ଧାରା ବିବରଣୀ ଦେଇଥିଲେ। ପୁରସ୍କାର ବିତରଣୀ ଉତ୍ସବରେ ଭାଗରଥୀ ବଚ୍ଛା ମୁଖ୍ୟ ଅତିଥି ଭାବେ ଯୋଗଦେଇ ଜାମସେଦପୁର ର ମଧୁକର ରୟଙ୍କୁ ମ୍ୟାନ ଅଫ ଦି ମ୍ୟାଚ ଦେଇଥିଲେ। ଆସନ୍ତା କାଲି ଇଷ୍ଟକୋଷ୍ଟ ରେଲୱେ ଖୋର୍ଦ୍ଧା ବନାମ ବିଲାସପୁର ରେଲୱେ ମଧ୍ୟରେ ମ୍ୟାଚ ଅନୁଷ୍ଠିତ ହେବ ବୋଲି କମିଟି ଉପଦେଷ୍ଟା ରୋହିତ କୁମାର ସାହୁ ଜଣାଇଛନ୍ତି।