ବାରିପଦା(ଦିଲ୍ଲୀପ ମହାନ୍ତି) - ବାରିପଦା ସ୍ଥିତ ମଧୁବନ ମିନି ଷ୍ଟାଡିୟମ ପରିସରରେ ଗୁରୁବାର ଠାରୁ ଶହୀଦ ରତିକାନ୍ତ କୂଳଦୀପ ମେୋରିଆଲ କ୍ରିକେଟ ଟୁର୍ଣ୍ଣାମେଂଟ ଅନୁଷ୍ଠିତ ହେଉଛି । ଏହି ଅବସରରେ ଶନିବାର ଦୁଇଟି ସେମିଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ତେବେ ପ୍ରଥମ ସେମିଫାଇନାଲ ମ୍ୟାଚଟି ଡିଆରକେ ଏବଂ ଷ୍ଟେସନ ଆଥଲେଟିକ ଆସୋସିଏସନ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ପ୍ରଥମେ ଡିଆରକେ ନିର୍ଦ୍ଧାରିତ ୧୫ଓଭରରେ ୧୭୯ରନ କରିଥିଲା । ଜବାବରେ ଷ୍ଟେସନ ଆଥଲେଟିକ ଆସୋସିଏସନ ମୋଟ ୫୭ରନ କରି ଅଲ ଆଉଟ ହୋଇଥିଲା । ଦ୍ୱିତୀୟ ସେମିଫାଇନାଲ ମ୍ୟାଚଟି ଉଦଳା ସହ ବିଜେଏମସିସି ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ବିଜେଏମସିସି ପ୍ରଥମେ ବ୍ୟାଟିଂ କରି ୯୯ରନ କରିଥିଲା । ଜବାବରେ ଉଦଳା ୧୦୨ରନ କରି ୭ୱିକେଟରେ ବିଜୟୀ ହୋଇଥିଲା । ତେବେ ରବିବାର ଡିଆରକେ ସହ ଉଦଳା ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହେବ । ଆଜିର ଏହି ମ୍ୟାଚରେ ଅମ୍ପେୟାର ଭାବେ ଦିଲ୍ଲୀପ ଦାସ,ସୁଶାନ୍ତ ମହାନ୍ତି ଏବଂ ନାନୁ ମହାକୁଢ଼ ଯୋଗଦେଇଥିଲେ ।
