ରେଢ଼ାଖୋଲ ରୁ ଯଶୋବନ୍ତ ନାରାୟଣ ସାହୁ : ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ଅନ୍ତର୍ଗତ କଦଳୀଗଡ଼ ହାଇସ୍କୁଲ ରେ 2018-19 ର ବାର୍ଷିକ କ୍ରୀଡ଼ା ଉତ୍ସବ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ସ୍ଥାନୀୟ ସମିତି ସଭ୍ୟ ଶ୍ରୀ ଧର୍ମେନ୍ଦ୍ର କଅଁର ଯୋଗ ଦେଇ କ୍ରୀଡ଼ା ଉତ୍ସବକୁ ଉଦଘାଟନ କରି ଥିଲେ l ଆଜି ସକାଳ 7.30 ମି.ସମୟରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ,ଶିକ୍ଷକ ଶିକ୍ଷୟତ୍ରୀ ତଥା କର୍ମଚାରିମାନେ ଅଂଶଗ୍ରହଣ କରି କଦଳୀଗଡ଼ ବାବା ବୈଦ୍ୟନାଥ ଶିବ ମନ୍ଦିର ପ୍ରଙ୍ଗଣରୁ ଏକ ମଶାଲଧରି ସ୍କୁଲ ର ଖେଳପଡ଼ିଆକୁ ଏକ ଶୋଭାଯାତ୍ରାରେ ଆସିଥିଲେ l ବିଦ୍ୟାଳୟର ପ୍ରଧାନ ଶିକ୍ଷକ ବିରେନ୍ଦ୍ର କୁମାର ସାହୁ କ୍ରୀଡ଼ା ପ୍ରତିଯୋଗିତାର ସମ୍ୟକ ଧାରଣା ଦେଇଥିଲେ l ମୁଖ୍ୟ ଅତିଥି ଧର୍ମେନ୍ଦ୍ର କଅଁର ପ୍ରତିଯୋଗିତା ରେ କ୍ରୀଡ଼ା ଆରମ୍ଭ ହେବା ନିମନ୍ତେ ବିଧିବଦ୍ଧ ଘୋଷଣା କରିଥିଲେ l ଉକ୍ତ କ୍ରୀଡ଼ା ପ୍ରତିଯୋଗିତାରେ ଲମ୍ବଡ଼ିଆଁ,ଉଚ୍ଚଡ଼ିଆଁ,ହାଇଜମ,ସର୍ଟଫୁଟ,100ମିଟର ଦୌଡ଼,200ମିଟର ଦୌଡ଼,ଡ଼ିସକସଥ୍ରୋ ଆଦି ଖେଳ ଅନୁଷ୍ଠିତ ହୋଇଥିଲା l ଉକ୍ତ କ୍ରୀଡ଼ା ପ୍ରତିଯୋଗିତାରେ ବିଭିନ୍ନ ଇଭେଣ୍ଟର ଶ୍ରେଷ୍ଠତ୍ୱ ହାସଲ କରିଥିବା କୃତୀ ଛାତ୍ରଛାତ୍ରୀ ମାନଙ୍କୁ ପୁରସ୍କାର ବିତରଣ କରାଯାଇଥିଲା l ସର୍ବ ଶେଷରେ ଉକ୍ତ ପ୍ରତିଯୋଗିତା ଉଦଯାପନୀ ପ୍ରଧାନ ଶିକ୍ଷକ ବିରେନ୍ଦ୍ର କୁମାର ସାହୁ ଙ୍କ ଦ୍ୱାରା କରାଯାଇଥିଲା l