ବରଗଡ/ଗୌରାଙ୍ଗ ଚରଣ ଦାସ :- ବରଗଡ଼ ଜିଲ୍ଲା ଟାଲ ଗ୍ରାମର ଜଟାଧାରୀ କ୍ଲବ ଅନୁକୂଲ୍ୟ ଆସନ୍ତା 23 ଡିସେମ୍ବର ରୁ ଦୀପ୍ତିପୁର ଠାରେ ଆୟୋଜିତ ହେବାକୁ ଯାଉଛି ରାଜ୍ୟ ସ୍ତରୀୟ ଭଲି ବଲ ପ୍ରତିଯୋଗିତା । ଆଜି ଜଟାଧାରୀ କ୍ଲବ ତରଫରୁ ଦୀପ୍ତିପୁର ଅରବିନ୍ଦ ସ୍କୁଲ ଠାରେ ଆୟୋଜିତ ଏକ ସଭାରେ ଏହା ସ୍ଥିରୀକୃତ  ହେଇଛି ।  ଏହି ବିରାଟ ଆୟୋଜନ ସୁଚାରୁ ରୁପେ ପରିଚାଳନା କରିବା ପାଇଁ ଏକ ଆୟୋଜନ କମିଟି ଗଠନ କରା ଯାଇଛି । ଏହି କମିଟି ରେ ପୂର୍ବତନ ମନ୍ତ୍ରୀ ଶ୍ରୀ ବିଜୟ ରଞ୍ଜନ ସିଂହ ବରିହା ଙ୍କୁ ସଭାପତି , ଶ୍ରୀ ମହେନ୍ଦ୍ର ବଢ଼େଇ ଙ୍କୁ ମୁଖ୍ୟ ସଂଯୋଜକ , ଶ୍ରୀ ସାଧୁ ଚରଣ ଗଡ଼ତିଆ  ଙ୍କୁ ଉପସଭାପତି , ଶ୍ରୀ ଚନ୍ଦ୍ରମଣି ସାହୁ ଙ୍କୁ ସମ୍ପାଦକ ଓ 9 ଗୋଟି ଗ୍ରାମ ପଂଚାୟତ ର 15 ଜଣ ଙ୍କୁ ସଭ୍ୟ ଭାବରେ ମନୋନୀତ କରାଯାଇଛି । 

           ଆସନ୍ତା 23 ରୁ ହେବାକୁ ଯାଉଥିବା ଏହି ଭଲି ବଲ ମହାସମର ରେ ରାଜ୍ୟର  ବିଭିନ୍ନ  ସ୍ଥାନରୁ ବହୁ ସଂଖ୍ୟାରେ ଭଳିବଲ ଟିମ ଅଂଶ ଗ୍ରହଣ କରିବେ । ଏହି ଆୟୋଜନ ଫଳରେ ଅଂଚଳରେ ଭଲି ବଲ ପ୍ରତି ଯୁବକ ମାନଙ୍କର ଆଗ୍ରହ ବଢିବ ଓ ଏହି ପ୍ରତିଯୋଗିତା ଏକ ସୁସ୍ଥ ସମାଜ ଗଠନରେ ସହାୟକ ହେବ ବୋଲି ପରିଚାଳନା କମିଟି ର ସଂଯୋଜକ ଶ୍ରୀ ମହେନ୍ଦ୍ର ବଢ଼େଇ ଜଣାଇଛନ୍ତି ।