ପଦ୍ମପୁର-(ନୀଳ ଦୀପ )- ରାଜବୋଡାସମ୍ବର ବ୍ଲକ ବିଦ୍ୟାଳୟ କ୍ରୀଡାସଂଘ ତରଫରୁ ବ୍ଲକ୍ସ୍ତରୀୟ ଦୌଡକୁଦ ପ୍ରତିଯୋଗିତା ସ୍ଥାନୀୟ ରାଜବୋଡାସମ୍ବର ଉଚ୍ଚ ବିଦ୍ୟାଳୟ ଖେଳପଡିଆଠାରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ବିଇଓ ଶ୍ରୀଯୁକ୍ତ  ସୁନୀଲ ମୁଣ୍ଡୁ, ସମ୍ମାନିତ ଅତିଥି ସରକାରୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ସେବାଶ୍ରୀ ଭୋଇ,ଯୋଗଦେଇ ଉଦ୍ଘାଟନ କରିଥିଲେ । ବ୍ଲକ୍ର ବିଭିନ୍ନ ବିଦ୍ୟାଳୟରୁ ମୋଟ ୨୦୦ଜଣ ଛାତ୍ରଛାତ୍ରୀଙ୍କ ସହ ସମସ୍ତ ଶାରିରୀକ କ୍ରୀଡା ଶିକ୍ଷକ ଯୋଗଦାନ କରିଥିଲେ । ଉଦ୍ୟାପନୀ ଉତ୍ସବରେ ମୁଖ୍ୟ ଅତିଥି ରାଜବୋଡାସମ୍ବର ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀଯୁକ୍ତ ସରୋଜ କୁମାର ଭୁଏ ଓ ସମ୍ମାନିତ ଅତିଥି ଭାବେ କ୍ରୀଡାଗୁରୁ ଶ୍ରୀଯୁକ୍ତ ଦୁଃଶାସନ ବୁଡେକ ଯୋଗଦେଇ କୃତୀଛାତ୍ରଛାତ୍ରୀଙ୍କୁ ପୁରସ୍କୃତ କରିଥିଲେ । ଶେଷରେ ସଂଘର ସଂପାଦକ ହରେକୃଷ୍ଣ ମେହେର ଧନ୍ୟବାଦ ଦେଇଥିଲେ ।