ଭୁବନେଶ୍ୱର: ମୋ ବିରୋଧରେ ବିଜେପି ଆଣିଥିବା ଅଭିଯୋଗ ର କୌଣସି ଆଧାର ନାହିଁ | କ୍ୱିଜେପି କେବଳ କପୋଳକଳ୍ପିତ ଅଭିଯୋଗ କରି ରାଜନୈତିକ ଅପରିପକ୍ଵତାରେ ପ୍ରମାଣ ଦେଉଛି ବୋଲି କହିଛନ୍ତି ଧୂରୀଣ ରାଜନୀତିଜ୍ଞ ତଥା ଓଡ଼ିଶାର ରାଜ୍ୟପାଳ ଡ଼. ଏସ୍. ସି ଜମିର | ନାଗାଲାଣ୍ଡରେ କଂଗ୍ରେସ ଓ ନାଗା ପିପୁଲସ୍ ଫ୍ରଣ୍ଟ ପାଇଁ ନିର୍ବାଚନ ପ୍ରଚାର କରିଥିବା ବିଜେପି ପକ୍ଷରୁ କରାଯାଇଥିବା ଅଭିଯୋଗ ଉତ୍ତରରେ ଡ଼. ଜମିର ଏହି ଅଭିଯୋଗର କୌଣସି ସତ୍ୟତା ନାହିଁ ବୋଲି କହିଛନ୍ତି । କେବଳ ଅନୁମାନ କରି ଭାଜପା ଏପରି ଅଭିଯୋଗ କରିଥିବା ଡ଼. ଜମିର କହିଛନ୍ତି ।
ନାଗାଲାଣ୍ଡର ମୁଖ୍ୟ ନିର୍ବାଚନ ଅଧିକାରୀଙ୍କୁ ଡ଼. ଜମିର କିଛି ପ୍ରାର୍ଥୀଙ୍କ ପାଇଁ ନିର୍ବାଚନ ପ୍ରଚାର କରିଥିଲେ ବୋଲି ଅଭିଯୋଗ କରିଥିଲା ବିଜେପି । ରାଜ୍ୟପାଳ ଭଳି ଗୁରୁତ୍ୱ ପୂର୍ଣ୍ଣ ସାମ୍ବିଧାନିକ ପଦରେ ରହି ନିର୍ବାଚନରେ ପ୍ରଚାର କଲାଭଳି ସମ୍ବିଧାନ ବିରୋଧ କାମ କରିଥିବା ଅଭିଯୋଗ ନାଗାଲାଣ୍ଡ ବିଜେପି ଆଣିଥିଲା । ରାଜ୍ୟପାଳ ଡ଼ ଜମିର ଜାରି କରିଥିବା ପ୍ରତିକ୍ରିୟାରେ କହିଛନ୍ତି ଯେ ଏପରି କିଛି କରି ନ ଥିବା କହିଛନ୍ତି । ନାଗାଲାଣ୍ଡ ବିଜେପି ଶାଖା ପକ୍ଷରୁ ଦିଆଯାଇଥିବା ବୟାନ ଅପରିପକ୍ୱ ଓ ରାଜନୈତିକ ଉଦେଶ୍ୟ ପ୍ରଣୋଦିତ ବୋଲି କହିଛନ୍ତି । ନିର୍ବାଚନ ଆୟୋଗ ସତ୍ୟତା ବିଷୟରେ ଅବଗତ ହେବେ । ଏବେ ନିର୍ବାଚନ ଥିଲେ ବି ସେ ନିଜର ସହର ମୋକେରଚୁଙ୍ଗରେ ଥିଲେ । ନିର୍ବାଚନ ସମୟରେ ମୋକେରଚୁଙ୍ଗରେ ରହିବ ସଂଯୋଗ ବା କାକତାଳୀୟ ହୋଇପାରେ ବୋଲି ସେ କହିଛନ୍ତି । ଏସ୍ସି ଜମିର ପୂର୍ବରୁ ବହୁବାରର ନାଗାଲାଣ୍ଡର ମୁଖ୍ୟମନ୍ତ୍ରୀ ରହି ସାରିଛନ୍ତି । ରାଜ୍ୟପାଳଙ୍କ ପୁଅ ଏବେ ମୋକେରଚୁଙ୍ଗର ପ୍ରାର୍ଥୀ ।
