୨୦୧୯ ବେଳକୁ ୭୭ ପ୍ରତିଶତ ରୋଜଗାରିଆ ଭାରତୀୟ ହୋଇଥିବେ ବେରୋଜଗାର
ନୂଆଦିଲ୍ଲୀ: କେନ୍ଦ୍ର ସରକାର କହୁଛନ୍ତି ବିକାଶ ଚାଲିଛି । ହେଲେ ଏମିତି ବିକାଶ ଚାଲିଛି ଯେ ଆଗକୁ ସର୍କାରଙ୍କ ବିକାଶ ପ୍ରକ୍ରିୟାର ପରିଣାମ ସ୍ୱରୂପ ପରିସ୍ଥିତି କଣ ହେବ ତାହାର ଏକ ଚିତ୍ର ଦେଇଛି ଜାତିସଂଘର ଏକ ସଂସ୍ଥା ଆନ୍ତର୍ଜାତୀୟ ଶ୍ରମିକ ସଂଗଠନ । ଆଉ ତାହା ସମ୍ପୂର୍ଣ ଭାବେ ସମସ୍ତଙ୍କ ପାଇଁ ଚିନ୍ତା ଉଦ୍ରେକ କଲାପରି ଖବର । ୨୦୧୯ ସୁଦ୍ଧା ଦ୍ରୁତ ହାରରେ ନିଯୁକ୍ତି କମିବ ସେହିପରି ବିଭିନ୍ନ କାରଣକୁ ନେଇ ଛଟେଇ ମଧ୍ୟ ବଢିବ | ଜବର ମାନ ବଢିବ ନାହିଁ | ଏମିତି କିଛି ଆକଳନ କରିଛି ଅନ୍ତର୍ଜାତିକ ଶ୍ରମିକ ସଂଘ(ଆଇଏଲ୍ଓ) | ଦେଶରେ ବେରୋଜଗାରକୁ ନେଇ ଅନେକ ସମସ୍ୟା ଦେଖାଦେଇଥିବା ବେଳେ ମୋଦି ସରକାରଙ୍କ ପାଇଁ ଏହା ଆଉ ଏକ ନିରାଶଜନକ ଖବର ବୋଲି କୁହାଯାଉଛି ।
ଆଇଏଲ୍ଓ ତାର ରିପୋର୍ଟରେ କହିଛି ଯେ, ୨୦୧୯ ସୁଦ୍ଧା ୭୭ ପ୍ରତିଶତ ଭାରତୀୟ ରୋଜଗାରିଆଙ୍କ ପାଖରେ ଚାକିରୀ ବା ରୋଜଗାର ନ ଥିବ | ଆଇଏଲଓ ପକ୍ଷରୁ ୱାର୍ଲଡ ଏମ୍ପ୍ଲୟମେଣ୍ଟ ଆଣ୍ଡ ସୋସିଆଲ ଆଉଟ୍ ଲୁକ ରିପୋର୍ଟରେ କୁହାଯାଇଛି ଯେ, ୨୦୧୭ ରୁ ୨୦୧୯ ଭିତରେ ଭାରତ ସହ ଦକ୍ଷିଣ ଏସୀୟ ଦେଶମାନଙ୍କରେ ପାଖାପାଖୀ ୨.୩ କୋଟି ଚାକିରୀ ସୃଷ୍ଟି ହେବ | କିନ୍ତୁ ବେକାରଙ୍କ ସଂଖ୍ୟା ତୁଳନାରେ ଏହି ନିଯୁକ୍ତି ସୁଯୋଗ ଯଥେଷ୍ଟ ନୁହଁ | ସେହିପରି ଏହି ସମୟରେ ରୋଜଗାର ବଢିପାରେ | କିନ୍ତୁ କ୍ୱାଲିଟି ଚାକିରୀ ମିଳିବ ନାହିଁ |
ଏହି ସମୟରେ ବାହାରୁଥିବା ଜବ୍ ଗୁଡିକ ଉନ୍ନତମାନର ହେବନି | ଆକଳନ ଅନୁଯାୟୀ ଏହି ସମୟରେ ସମଗ୍ର ଏସିଆରେ ଅଧାରୁ ଅଧିକ ଲୋକେ ବେରୋଜଗାର ପାଲଟିଯିବେ । ରିପୋର୍ଟରେ କୁହାଯାଇଛି ଯେ, ୨୦୧୯ ସୁଦ୍ଧା ୫୩.୫ କୋଟି କୁଶଳୀ ଲୋକଙ୍କ ପାଖରେ ଭଲ ଚାକିରିଟିଏ ନ ଥିବ | ଆମେରିକାର ଏବେ ଅର୍ଥନୈତିକ ମାନ୍ଦାବସ୍ଥା ଚାଲିଥିବା ବେଳେ ଏହାର ପ୍ରଭାବ ଅନ୍ୟ ରାଷ୍ଟ୍ରରେ ପଢ଼ିବ ବୋଲି କୁହାଯାଉଛି |ଫଳରେ ଆର୍ଥିକ ସଂସ୍ଥାଗୁଡିକ କ୍ଷତିରେ ପଡିବା ଆଶଙ୍କା ରହିଛି | ଏହି କାରଣରୁଚାକିରୀ ଛଟେଇ ବଢିପାରେ ବୋଲି କୁହାଯାଉଛି |
