ଜୁନାଗଡ଼(ଆଦିତ୍ୟ ମହାନ୍ତି) କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ଅନ୍ତର୍ଗତ ଭଇଁରିଗୁଡା ଗ୍ରାମରେ ମାଉସୀଘରେ ଝିଆରୀଙ୍କ ଆତ୍ମହତ୍ୟା କରିବା ଘଟଣା ଏଠାରେ ଛାଞ୍ଚଲ୍ୟ ଖେଳିଯାଇଛି । ପ୍ରାପ୍ତ ସୂଚନାରୁ ପ୍ରକାଶ ଯେ, ଜୁନାଗଡ଼ ସହରସ୍ଥିତ ମଦଭାଟି ପଡାର କପରୁଚନ ବେଶ୍ରାଙ୍କ ଝିଅ ବବି ବେଶ୍ରା(୧୬) ତିନି କିଲୋମିଟର ଦୂର ଭଇଁରିଗୁଡା ଗ୍ରାମର ମଉସା ଜଳନ୍ଧର ଦୁର୍ଗା ଓ ମାଉସୀ ରାହାସ ଦୁର୍ଗାଙ୍କ ଘରକୁ ଗତ ତିନି ମାସ ଧରି ଆସି ରହୁଥିଲେ । ମାଉସୀ ପରିବାର କାମଧନ୍ଦା ଅନ୍ୱେଷଣରେ ଯାଇଥିବା ବେଳେ କlଲି ଘରେ କେହି ନଥିବା ବେଳେ ବବି ବେକରେ ଓଢ଼ଣି ଦେଇ ଆତ୍ମହତ୍ୟା କରିଥିଲେ । ଅପରାହ୍ନରେ ପରିବାର ଲୋକେ ଘରକୁ ଆସିବା ପରେ ବବି ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ । ପରେ ଝିଅ ପରିବାରକୁ ଖବର ଦେବା ପରେ ଆତ୍ମହତ୍ୟା କରିଥିବା ନେଇ ଜୁନାଗଡ଼ ଥାନାରେ ଅଭିଯୋଗ କରିଥିଲେ । ରାତି ହୋଇଥିବା ଯୋଗୁଁ ଆଜି ଯାଇ ଶବକୁ ଉଦ୍ଧାର କରି ବ୍ୟବଚ୍ଛେଦ କରାଯାଇ ଛି. ଜୁନାଗଡ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରିରହିଥିବା ପ୍ରକାଶ |
