ମେଲଛାମୁଣ୍ଡା ପୁଲିସ ହାତରେ ଧରା ପଡିଲା ମଦ ବେପାରୀ
ମେଲଛାମୁଣ୍ଡା,(ମନୋଜ ଭୋଇ) ବରଗଡ ଜିଲ୍ଳା ମେଲଛାମୁଣ୍ଡା ଥାନା ଅର୍ନ୍ତଗତ ସମାରପାଲି ଅଂଚଳରେ ଦୀର୍ଘ ଦିନ ହେବ ପ୍ରବଳ ମାତ୍ରାରେ ଦେଶୀ ମଦର ବେଆଇନ ବିକ୍ରୟ ହେଉଥିବା ଅଭିଯୋଗ ହେଉଥିଲା । ମେଲଛାମୁଣ୍ଡା ପୁଲିସ ମଦ ବେପାରିଙ୍କୁ କାବୁ କରିବା ପାଇଁ ଅନେକ ଥର ଚେଷ୍ଟାକରି ବିଫଳ ହୋଇଥିଲା । ମଦ ବେପାରିମାନେ ଚାଲାକିକରି ପୁଲିସକୁ ଚକମା ଦେବାରେ ସଫଳ ହେଉଥିଲେ । ବେପାରିଙ୍କ ଚାଲାକିକୁ ଚାଲେଞ୍ଜ ଭାବେ ଗ୍ରହଣ କରି ଗତ କିଛି ଦିନ ହେବ ମେଲଛାମୁଣ୍ଡା ଥାନାଧିକାରୀ ଏସଆଇ ସ୍ୱପ୍ନାରାଣି ଗୋଛାୟତ ମଦ ବେପାରିଙ୍କ ପାଇଁ ଏକ ଜାଲ ବିଛାଇଥିଲେ । ସେହି ଜାଲରେ ମଙ୍ଗଳବାର ସଂଧ୍ୟାରେ ଏକ ବଡ ବେପାରି ଧରାପଡିଛି । ବେପାରି ଜଣକ ବିକ୍ରୟ ପାଇଁ ଦେଶୀ ରନ୍ଧା ମଦ ଧରି ଘରୁ ବାହାରୁଥିବା ବେଳେ ମେଲଛାମୁଣ୍ଡା ପୁଲିସ ହାବୁଡରେ ପଡିଯାଇଥିଲା । ବେପାରି ଜଣକ ସମାରପାଲି ଗ୍ରାମର ପରମାନନ୍ଦ ବେହେରାଙ୍କ ପୁଅ ଅନିଲ ବେହେରା(୩୨)କୁ ପୁଲିସ ଘଟଣା ସ୍ଥଳରେ କାବୁ କରିବା ସହ ତା ପାଖରୁ ୯୦ଲିଟର ଦେଶୀ ରନ୍ଧା ମଦ ଜବତ କରିବା ସହ ଥାନାକୁ ନେଇ ଆସିଥିଲା । ଥାନାରେ ଏ ନେଇ କେସ ନଂ ୧୧୩/୧୯ ଦଫା ୫୨(ଏ)ଓଡିଶା ଅବକାରୀ ଏକ୍ଟରେ ମାମଲା ରୁଜୁ କରିବା ସହ ଅଭିଯୁକ୍ତ ଅନିଲକୁ ଗିରଫ କରାଯାଇଥିବା ଥାନାଧିକାରୀ ସୂଚନା ଦେଇଛନ୍ତି ।
