ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ସ୍ଥାନୀୟ ବଡ଼-ରାଧାକାନ୍ତ ମଠ ପରିସରରେ ପବିତ୍ର ଜନ୍ମାଷ୍ଟମୀ ଅବସରରେ ଜିଲ୍ଲା ବିଶ୍ବହିନ୍ଦୁ ପରିଷଦ ପକ୍ଷରୁ ଶ୍ରୀକୃଷ୍ଣଙ୍କ ଜନ୍ମ ଓ ବାଲ୍ୟଲୀଳା ସମ୍ପର୍କିତ ଆଧ୍ୟାତ୍ମିକ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ପରିଷଦର ଜିଲ୍ଲା ସଭାପତି ହରି ମୋହନ ପଟ୍ଟନାୟକଙ୍କ ସଭାପତିତ୍ୱରେ ମହନ୍ତ ମହାରାଜ ସୀତାରାମ ଦାସଜୀ , ରବୀନ୍ଦ୍ର ଦାସଜୀ , ଗବେଷକ ପୂର୍ଣ୍ଣଚନ୍ଦ୍ର ମହାପାତ୍ର ପ୍ରମୁଖ ଯୋଗଦେଇ ଭଗବାନ ଶ୍ରୀ କୃଷ୍ଣଙ୍କ ଜନ୍ମାଷ୍ଟମୀ ର ମହତ୍ତ୍ୱ , ଧରା-ପୃଷ୍ଠରେ ତାଙ୍କର ଜନ୍ମ-ବୃତ୍ତାନ୍ତ , ବାଲ୍ୟ ଲୀଳା , ଶ୍ରୀରାଧାଙ୍କ ସହ ତାଙ୍କର ଶାଶ୍ୱତ ପ୍ରେମ , ଅତ୍ୟାଚାରୀ କଂସ ଠାରୁ ମଥୁରା ନଗରୀ ମୁକ୍ତି ଅର୍ଜୁନଙ୍କ ମାଧ୍ୟମରେ ମାନବ ସମାଜକୁ ଶ୍ରୀମଦ ଭାଗବତ ଗୀତା ଉପରେ ଉପଦେଶ ଏବଂ ଧର୍ମର ସଂସ୍ଥାପନ ପ୍ରଭୃତି ଉପରେ ଆଧ୍ୟାତ୍ମିକ ପ୍ରବଚନ ପ୍ରଦାନ କରିଥିଲେ ।
ପରେ ମଠ ପରିସରରେ ଥିବା ଭଗବାନ ଶ୍ରୀକୃଷ୍ଣଙ୍କ ଝୁଲଣ ମଣ୍ଡପରେ ଠାରେ ଛୋଟ କୁନିକୁନି ପିଲାଙ୍କ ମଧ୍ୟରେ ଶ୍ରୀ-ରାଧା ଓ କୃଷ୍ଣ ବେଶ ପ୍ରତିଯୋଗିତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
କୁନିକୁନି ପିଲାମାନେ ରାଧା ଓ ଶ୍ରୀକୃଷ୍ଣଙ୍କ ବିଭିନ୍ନ ପ୍ରକାରର ଆକର୍ଷଣୀୟ ବେଶ-ଭୂଷାରେ ସଜ୍ଜିତ ହୋଇ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ପିଲାମାନେ ରାଧା ଓ କୃଷ୍ଣମୟ ପରିବେଶ ସୃଷ୍ଟି କରି ଉପସ୍ଥିତ ଶହ ଶହ ଅଭିଭାବକ ଓ ଜନସାଧାରଣ ଙ୍କ ମନ ମୋହିଥିଲେ । ଅନୁଷ୍ଠିତ ହେଉଥିବା କାର୍ଯ୍ୟକ୍ରମ ପରିସର ଅତ୍ୟନ୍ତ ଆଧ୍ୟାତ୍ମିକ ପରିବେଶ-ମୟ ସୃଷ୍ଟି ହୋଇ ପଡ଼ିଥିଲା ।
ଏହି ପ୍ରତିଯୋଗିତାରେ ମଞ୍ଚରତ୍ନ ବଟକୃଷ୍ଣ ପାତ୍ର ଏବଂ ଇନ୍ଦିରା ପଟ୍ଟନାୟକ ବିଚାରକ ଭବେ ଯୋଗ ଦେଇଥିବା ବେଳେ ସମସ୍ତ କାର୍ଯ୍ୟକ୍ରମକୁ ଭାରତ ଭୂଷଣ ମହାନ୍ତି , ଗୁରୁ କୈଳାଶ ପଟ୍ଟନାୟକ ଏବଂ ଶିକ୍ଷାବିତ୍ ବିଚିତ୍ରା ନନ୍ଦ ବେବର୍ତ୍ତା ପ୍ରମୁଖ ପରିଚାଳନା କରିଥିଲେ ।
