ପଡୋଶୀ ରାଜ୍ୟ ଛତିଶଗଡକୁ ଅନୁକରଣ କରିବାକୁ ପରାମର୍ଶ ଦେଲେ ଘାସିରାମ ମାଝୀ
ନୂଆପଡ଼ା,(ଅମିତ ପୁରୋହିତ); ଦୀର୍ଘ ଦୁଇମାସାଧିକକାଳ ଧାନ ର ଅଭାବି ବିକ୍ରି ସହ ଲଢେଇ କରୁଥିବା ଚାଷୀକୁଳ ଙ୍କ ପ୍ରତି କଂଗ୍ରେସ ଆଜି ତାର ଆଭିମୁଖ୍ୟ ସ୍ପଷ୍ଟ କରିଛି । ନିଜ ବାସଭବନରେ ନୂଆପଡ଼ା ଜିଲ୍ଲା କଂଗ୍ରେସ ସଭାପତି ଘାଷିରାମ ମାଝୀ ଏକ ପ୍ରେସ ବିବୃତି ଜରିଆରେ ସରକାର ଙ୍କୁ ଟାର୍ଗେଟ କରିଥିଲେ ।
ସୂଚନା ଅନୁଯାଇ ନୂଆପଡ଼ା ରେ ରବିଋତୁରେ ଧାନ ଫସଲ ଆଶାନୁରୁପ ହୋଇଥିଲା ବେଳେ କିନ୍ତୁ ସରକାର ଭୁଲନୀତି ଫଳରେ ଏବେ ସୁଦ୍ଧା ପାଖାପାଖି ୫୦ ହଜାର କୁଇଣ୍ଟାଲ ଧାନକ୍ରୟ ନହୋଇ ମଣ୍ଡିମାନଙ୍କରେ ପଡିରହିଛି । କଂଗ୍ରେସ ତରଫରୁ ସରକାର ଙ୍କର ଏହି ଚାଷୀମାରଣ ନୀତି କୁ ଜୋରଦାର ବିରୋଧ କରାଯାଇଛି । ଜିଲା କଂଗ୍ରେସ ସଭାପତି ଘାଷୀରାମ ମାଝୀ ପ୍ରେସମିଟ ଜରିଆରେ କେନ୍ଦ୍ରର ବି.ଜେ.ପି ଓ ରାଜ୍ୟର ବି.ଜେ.ଡି ସରକାର ଙ୍କୁ ଟାର୍ଗେଟ କରିଥିଲେ । କେନ୍ଦ୍ରର ବି.ଜେ.ପି ସରକାର ଚାଷୀର ଦୁଃଖ ବୁଝିବାରେ ବିଫଳ ହେବାସହ ଧାନର ସହାୟକ ମୁଲ୍ୟ ରେ ମାତ୍ର ୬୫ ଟଙ୍କା ର ବୃଦ୍ଧିକରି ଚାଷୀକୁଳ ପ୍ରତି ଉପହାସ କରିଛନ୍ତି । କେନ୍ଦ୍ରରେ ମୋଦି ସରକାର ପ୍ରଧାନମନ୍ତ୍ରୀ କିଶାନ ଯୋଜନା ଓ ରାଜ୍ୟ ରେ ନବୀନ ସରକାର କାଳିଆ ଯୋଜନା ମାଧ୍ୟମରେ କେବଳ ନିର୍ବାଚନ ପାଇଁ ଭୋଟ କିଣିବା ବ୍ୟତିତ ଚାଷୀ ମାନଙ୍କ ପାଇଁ ଟିକିଏ ଦରଦନାହିଁ । ବରଂ ଧାନ କିଣିବା ପ୍ରକ୍ରିୟା ଉଭୟ ସରକାର ଛତିଶଗଡ ସରକାର ଠାରୁ ଶିଖିବା ଦରକାର ବୋଲି ଘାଷୀରାମ ମାଝୀ ପ୍ରକାଶ କରିଥିଲେ । ଆହୁରି ମଧ୍ୟ କଂଗ୍ରେସ ତରଫରୁ ସରକାର ଙ୍କୁ ସାତ ଦିନ ର ସମୟ ଦେଇ ମଣ୍ଡି ସମସ୍ୟାର ସମାଧାନ କରିବାପାଇଁ ସତର୍କବାଣୀ ଶୁଣାଇଥିଲେ । ପ୍ରେସ ବିବୃତ୍ତ୍ି ଜରିଆରେ ଘାଷୀରାମ ମାଝୀ ସାତଦିନ ମଧ୍ୟରେ ଚାଷୀ ଙ୍କ ଧାନ ନଉଠିଲେ ଆନେ୍ଦାଳନ ଉଗ୍ରରୁପ ଧାରଣ କରିବ ବୋଲି ଚେତାବନୀ ଦେଇଥିଲେ ।