ଖୋର୍ଦ୍ଧା ଜିଲ୍ଲାପାଳ ହେଲେ ସୀତାଂଶୁ ରାଉତ
ଭୁବନେଶ୍ୱର : ଆଜି ରାଜ୍ୟ ସରକାର ଜିଲ୍ଲାପାଳ ସ୍ତରରେ ବଡ ଧରଣର ଅଦଳବଦଳ କରିଛନ୍ତି । ଏହି କ୍ରମରେ ବଦଲିଛନ୍ତି ରାଜ୍ୟ ୯ ଜିଲ୍ଲାରେ ଜିଲ୍ଲାପାଳ । ଏଥିନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇଛି ।
ପ୍ରକାଶିତ ବିଜ୍ଞପ୍ତି ଅନୁଯାୟୀ ନୂଆପଡା ଜିଲ୍ଲାପାଳ ଭାବେ ମଧୁସ୍ମିତା ସାହୁଙ୍କୁ ଅବସ୍ଥାପିତ କରିଥିବା ବେଳେ ବୌଦ୍ଧ ଜିଲ୍ଲାପାଳ ଭାବେ ଲଲାଟେନ୍ଦୁ ମିଶ୍ର, କେନ୍ଦ୍ରାପଡା ଜିଲ୍ଲାପାଳ ଭାବେ ସମର୍ଥ ବର୍ମା, ବାଲେଶ୍ୱର ଜିଲ୍ଲାପାଳ ଭାବେ ଏସ ଚକ୍ରବର୍ତ୍ତିଙ୍କୁ ନିଯୁକ୍ତି ଦିଆଯାଇଛି ।
ସେହିପରି କୋରାପୁଟ ଜିଲ୍ଲାପାଳ ଭାବେ ପୋମା ଟୁଡୁ, ଖୋର୍ଦ୍ଧା ଜିଲ୍ଲାପାଳ ଭାବେ ସୀତାଂଶୁ ରାଉତ, କଟକ ଜିଲ୍ଲାପାଳ ଭାବେ ଭବାନୀ ଶଙ୍କର ଚୟନି, ଜଗତସିଂହପୁର ଜିଲ୍ଲାପାଳ ଭାବେ ସଂଗ୍ରାମ କେଶରୀ ମହାପାତ୍ର ଓ ଝାରସୁଗୁଡ଼ା ଜିଲ୍ଲାପାଳ ଭାବେ ଜ୍ୟୋତିରଂଜନ ପ୍ରଧାନଙ୍କୁ ଅବସ୍ଥାପିତ କରାଯାଇଛି ।
