ପାଇକମାଲ :- ଗତକାଲି ଦିପହର ପ୍ରାୟ 2 ଘଣ୍ଟା ସମୟରେ ପାଇକମାଲ ପଦ୍ମପୁର ମୁଖ୍ୟ ରାସ୍ତାର ତାରିଣୀ ମନ୍ଦିର ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଜଣେ ବ୍ୟକ୍ତି ର ମୃତ୍ୟୁ ହେଇଯାଇଥିବା ବେଳେ 2 ଜଣ ଗୁରୁତର ଆହତ ହେଇଛନ୍ତି । ପାଇକମାଲ ପୋଲିସ ଦେଇଥିବା ସୁଚନା ମୁତାବକ ପାଇକମାଲ ନିକଟସ୍ଥ ବୈଦପାଳି ଗ୍ରାମର ରସାନନ୍ଦ ଛତର ତାର ବଡଭାଇ ପିଣ୍ଟୁ ଛତର ତଥା ନବୀନ ଛତର ନାମକ 3 ଜଣ ଗୋଟେ ମଟର ସାଇକେଲ ରେ ପାଇକମାଲ ରୁ ପଦ୍ମପୁର ପଟକୁ ଯାଉଥିବା ସମୟରେ ଭାରସାମ୍ୟ ହରାଇ ତାରିଣୀ ମନ୍ଦିର କାନ୍ଥରେ ଗାଡି ଧକ୍କା ମାରିଥିଲେ । ଦୁର୍ଘଟଣା ସ୍ଥଳରେ ଉପସ୍ଥିତ ଥିବା କିଛି ଲୋକଙ୍କ ସହାୟତା ରେ 3 ଜଣଙ୍କୁ ତୁରନ୍ତ 108 ଆମ୍ବୁଲାନ୍ସ ରେ ପଦ୍ମପୁର ଡାକ୍ତର ଖାନା କୁ ନିଆଯାଇଥିଲା ।ହେଲେ ଡାକ୍ତର ଖାନା ପହଂଚିବା ପରେ ଡାକ୍ତର ରସାନନ୍ଦ (ରସ)କୁ ମୃତ ଘୋଷଣା କରିଥିଲେ । ପିଣ୍ଟୁ ର ଡାହାଣ ଗୋଡ ଭାଙ୍ଗି ଯାଇଥିବା ଓ ନବୀନ ର ଦେହରେ ଆଘାତ ଲାଗିଥିବା ପୋଲିସ ସୂତ୍ରରୁ ପ୍ରକାଶ । ପାଇକମାଲ ଥାନା ଅଧିକାରୀ ଶ୍ରୀ ବିଶ୍ୱଜିତ ମନବୋଧ ଙ୍କର ନିର୍ଦେଶ କ୍ରମେ ASI ଶ୍ରୀ ପ୍ରକାଶ ଭୋଇ ପାଇକମାଲ ଥରେ କେଶ ନମ୍ବର 90/19 ରୁଜୁ କରି ଘଟଣାର ତଦନ୍ତ ଜରୁ ରଖିଛନ୍ତି ।