ବାରିପଦା(ଦିଲ୍ଲୀପ ମହାନ୍ତି)- ସ୍ତ୍ରୀ କୁ ହତ୍ୟା କରି ନିଜର ବାଡିପଛପଟେ ପୋତିଦେଲା ସ୍ୱାମୀ । ଏହିଭଳି ଏକ ଘଟଣା ଘଟିଅଛି ମୟୁରଭଞ ଜିଲା ମୋରଡା ଥାନା ଅନ୍ତର୍ଗତ ଚିକିଟାମାଟିଆ ଲୋଧାସାହି ଗ୍ରାମଠାରେ । ଘଟଣା ମୁତାବକ ଗ୍ରାମର ଧିରେନ ନାୟକ ସ୍ତ୍ରୀ କମଳା ର ଚରିତ୍ର ଉପରେ ସନେ୍ଧହ ଜାତ କରିଥିଲା । ଏହି ସନ୍ଦେହ ଶେଷରେ ସବୁ ପ୍ରକାର ମାନବିକତାକୁ ଟପିଯାଇଥିଲା । ଗତମାସ ୨୨ ତାରିଖରେ କମଳା କୁ ଠେଙ୍ଗାରେ ପିଟି ତାର ଗୋଡହାତ ଭାଙ୍ଗି ଦେଇଥିଲା ଧିରେନ । ତାପରେ ୨୮ ତାରିଖରେ କମଳା କୁ ଜୀବନ ରୁ ମାରି ତାର ଘର ପଛ ପଟେ ପୋତି ଦେଇଥିଲା । ଏହି ପୋତିବାରେ ଧିରେନ ର ବାପା ସାହାଯ୍ୟ କରିଥିବାର ଅଭିଯୁକ୍ତ ଧିରେନ ପ୍ରକାଶ କରିଅଛି । ଏ ବିଷୟରେ କମଳାର ଖୁଡି ଦୀପାଲି ମଲିକ ଖବରପାଇ ଚଳିତମାସ ୧ ରତାରିଖରେ ଥାନାରେ ଅଭିଯୋଗ କରିବାପରେ ଥାନାରେ କେସ ନମ୍ବର ୪୫/୨୦୧୯ ରେ ଏକ ମାମଲା ରୁଜୁ କରିବାସହ ଅଭିଯୁକ୍ତ ଧିରେନକୁ ପୋଲିସ ଗିରଫ କରିଅଛି । ଘଟଣା ସ୍ଥଳରେ ପୋଲିସ ଓ ସାଇନ୍ଟିଫିକ ଟିମ ପହଞ୍ଚିବା ସହିତ ମାଜଷ୍ଟେଟ ଙ୍କ ଉପସ୍ଥିତିରେ ଧିରେନ ଘର ପଛପଟ ବାଡି ଗାତରୁ କମଳାର ଶବକୁ ବାହାର କରି ବ୍ୟବଛେଦ ନିମନ୍ତେ ପଠାଇ ଅଧିକ ତଦନ୍ତ ଜାରିରଖିଅଛି ।
