ନୂଆପଡ଼ା(ଅମିତ କୁମାର ପୁରୋହିତ)
ସ୍ଥାନିୟ ପୋଲିସ ପଡିଆ ଠାରେ ପେଟ୍ରୋଲିୟମ ସଂରକ୍ଷଣ ଓ ଅନୁସନ୍ଧାନ ସଂଘ ଏବଂ ତୈଳ କଂପାନୀ ଗୁଡ଼ିକର ମିଳିତ ଆନୁକୁଲ୍ୟରେ ସ୍ୱାସ୍ଥ୍ୟ,ପରିବେଶ ଓ ତୈଳ ସଂରକ୍ଷଣ ପାଇଁ ସଂରକ୍ଷଣ କ୍ଷମତା ମହୋତ୍ସବ (ସକ୍ଷମ) ପଦଯାତ୍ରା ଅନୁଷ୍ଠିତ ହୋଇଯାଇଛି । ସ୍ଥାନୀୟ ବାଳିକା ଉଚ୍ଚ ବିଦ୍ୟାଳୟ ଓ ସରସ୍ୱତୀ ଶିଶୂ ବିଦ୍ୟା ମନ୍ଦିରର ଛାତ୍ରାଛାତ୍ରୀ ତଥା ନୂଆପଡା ର ବରିଷ୍ଠ ନାଗରିକ ଓ ବୁଦ୍ଧିଜୀବି ପୋଲିସ ପଡ଼ିଆଠାରୁ ଏକ ଶୋଭାଯାତ୍ରାରେ ବାହାରି ନଗର ପରିକ୍ରମା କରିଥିଲେ । ଏଥିରେ ମୁଖ୍ୟ ଅତିଥି ରୂପେ ଉପ ଜିଲ୍ଲାପାଳ ତରଣୀସେନ ନାଏକ ଏବଂ ଶରତ କୁମାର ବାଣିଜ୍ୟ ଅଧିକାରୀ ଇଣ୍ଡିଆନ ଅଏଲ ସମ୍ମାନୀତ ଅତିଥି ରୂପେ ଯୋଗ ଦେଇ ନୂଆପଡ଼ା ନାଗରିକଙ୍କୁ ତୈଳ ଓ ଗ୍ୟାସର ସୁବ୍ୟବହାର ଉପରେ ସଚେତନ କରାଇଥିଲେ । ଏହି କାର୍ଯ୍ୟକ୍ରମରେ ଇଣ୍ଡିଆନ ଅଏଲର ସମସ୍ତ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ ।
