ଜଗତସିଂହପୁର,ତା-୩୦.୧୧.୨୦୨୫/ସୁମନ୍ତ କୁମାର ଦାସ: ନାଉଗାଁ ବ୍ଲକ ଅନ୍ତର୍ଗତ ଅଲଣାହାଟ ହାଇସ୍କୁଲ ରେ ବାସୁଦେବ ଏଜୁକେସନାଲ ୱେଲଫେୟାର ଟ୍ରଷ୍ଟ ତରଫରୁ ପ୍ରଥମ ସ୍ୱର୍ଗତ ବୈକୁଣ୍ଠନାଥ ଆଚାର୍ଯ୍ୟ ସ୍ମାରକୀ ଆଦର୍ଶ ଶିକ୍ଷକ ପୁରସ୍କାର, ସ୍ୱର୍ଗତ ବୈକୁଣ୍ଠନାଥ ଆଚାର୍ଯ୍ୟ ସ୍ମାରକୀ ବୃତ୍ତି ଓ ବାସୁଦେବ ଏଜୁକେସନାଲ ୱେଲଫେୟାର ଟ୍ରଷ୍ଟ ର ପଞ୍ଚମ ବାର୍ଷିକ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି l ଏହି ସଭାରେ ସଭାପତି ବିରଞ୍ଚି ନାରାୟଣ ମିଶ୍ର ଅଧକ୍ଷାତା କରିଥିବାବେଳେ ମୁଖ୍ୟଅତିଥି ଭାବରେ ଅବସରପ୍ରାପ୍ତ ଆଇ.ଏ.ଏସ ଅଫିସର ଡକ୍ଟର ପ୍ରଶାନ୍ତ କିଶୋର ପରିଡା,ସଂମ୍ମାନିତ ଅତିଥି ଭାବେ ଡକ୍ଟର ବିଶ୍ୱଜିତ ରାୟ, ଶ୍ରୀ ଅକ୍ଷୟ କୁମାର ମିଶ୍ର, ଶ୍ରୀ ପ୍ରକାଶ ଚନ୍ଦ୍ର ରାୟ , ଶାନ୍ତନୁ ମିଶ୍ର ଓ ଅଧ୍ୟାପକ ପ୍ରତାପ କୁମାର ଲେଙ୍କା ପ୍ରମୁଖ ଯୋଗଦେଇ କୃତି ଛାତ୍ରଛାତ୍ରୀ ମାନଙ୍କୁ ମାର୍ଗଦର୍ଶନ ଓ ପୁରସ୍କୃତ କରିଥିଲେ l ଅନୁଷ୍ଠାନର ସମ୍ପାଦକ ଡକ୍ଟର ରୁଦ୍ର ନାରାୟଣ ମିଶ୍ର ସ୍ୱାଗତ ଭାଷଣ ଦେବା ସହିତ ଟ୍ରଷ୍ଟର ଆଭିମୁଖ୍ୟ ସମ୍ପର୍କରେ ଉଲ୍ଲେଖ କରିଥିଲେ l

ଏହି ଉତ୍ସବରେ ଅଲଣାହାଟ ହାଇସ୍କୁଲର ଶ୍ରୀ ଅମୁଲ୍ୟ କୁମାର ମିଶ୍ର ଓ ଦଧିବାମନ ହାଇସ୍କୁଲ, ଗ୍ରାମର ପ୍ରଧାନଶିକ୍ଷକ ଶ୍ରୀ ପ୍ରଳୟ ରଞ୍ଜନ ଭୂୟାଁଙ୍କୁ ମିଳିତ ଭାବେ ବୈକୁଣ୍ଠ ସ୍ମାରକୀ ଆଦର୍ଶ ଶିକ୍ଷକ ପୁରସ୍କାର ପ୍ରଦାନ କରାଯାଇଥିଲା l ଏହି ଉତ୍ସବରେ କୃତ୍ତି ଛାତ୍ରଛାତ୍ରୀମାନଙ୍କୁ ସ୍ୱର୍ଗତ ବୈକୁଣ୍ଠନାଥ ଆଚାର୍ଯ୍ୟ ସ୍ମାରକୀ ବୃତ୍ତି ପ୍ରଦାନ କରାଯାଇଥିଲା l ଶେଷରେ ଛାତ୍ର ମୁଜାଫର ଖାନ ଧନ୍ୟବାଦ ଅର୍ପଣ କରିଥିଲେ l