ଜନ୍ମରୁ ମୃତ୍ୟୁ ପର୍ଯ୍ୟନ୍ତ ସମସ୍ତଙ୍କ ମାନବିକ ଅଧିକାର ସୁରକ୍ଷା ଆମ ଦାୟିତ୍ବ: ଜଷ୍ଟିସ ଷଡ଼ଙ୍ଗୀ
ଓଡ଼ଗାଁ,୩୦।୧୧(ଶ୍ରୀକାନ୍ତ କୁମାର ମିଶ୍ର): ନ୍ୟାୟ ସାଧାରଣ ଲୋକଙ୍କ ପାଖରେ ପହଞ୍ଚାଇବା ଦରକାର। ଯଦି ନ ପହଞ୍ଚେ ତେବେ ଆମ୍ଭେ ନ୍ୟାୟିକ ବ୍ୟବସ୍ଥା ମଧ୍ୟରେ ଅଛୁ ବୋଲି ଭାବିବା ଉଚିତ୍ ହେବ ନାହିଁ ବୋଲି ନୟାଗଡ଼ ଜିଲ୍ଲା ଓଡ଼ଗାଁ ସିଭିଲ କୋର୍ଟ କମ୍ପ୍ଲେକ୍ସ ବାର ଆସୋସିଏସନର ହଲ ମଧ୍ୟରେ ଅନୁଷ୍ଠିତ "ମାନବିକ ଅଧିକାର ସୁରକ୍ଷା ପାଇଁ ବାରର ଭୂମିକା" ଶୀର୍ଷକ ଆଲୋଚନାଚକ୍ରରେ ଜାତୀୟ ମାନବାଧିକାର କମିଶନ ସଦସ୍ୟ ତଥା ଝାଡ଼ଖଣ୍ଡ ଉଚ୍ଚ ନ୍ୟାୟାଳୟର ପ୍ରାକ୍ତନ ମୁଖ୍ୟ ବିଚାରପତି ଡ.ଜଷ୍ଟିସ ବିଦ୍ୟୁତ୍ ରଞ୍ଜନ ଷଡ଼ଙ୍ଗୀ ମୁଖ୍ୟ ଅତିଥି ଭାବେ ଯୋଗଦେଇ ଏହି ମନ୍ତବ୍ୟ ରଖିଥିଲେ। ଏବଂ ମାତୃ ଗର୍ଭରେ ସଞ୍ଚରୀତ ଭୃଣ ଠାରୁ ଆରମ୍ଭ କରି ଶିଶୁଟିଏ ଜନ୍ମ ହେବା ପର୍ଯ୍ୟନ୍ତ ଏବଂ ଜନ୍ମ ଠାରୁ ଜୁଇ ନର ହେଉ ବା କିନ୍ନର ମାନଙ୍କର ଯଦି କୌଣସି ସମୟରେ ମାନବିକ ଅଧିକାର କ୍ଷୂର୍ଣ୍ଣ ହୁଏ, ତେବେ ଜାତୀୟ ମାନବାଧିକାର କମିଶନ ତାକୁ ତା'ର ଅଧିକାର ଦେବାପାଇଁ ଶତତ ଜାଗ୍ରତ ରହିଛି। ତେବେ ଆମ ମାନବିକ ଅଧିକାର କଣ?ସର୍ବ ପ୍ରଥମେ ଆମେ ଜାଣିବା ଦରକାର। ବାର୍ ଆସୋସିଏସନ ଏ ପରିପ୍ରେକ୍ଷୀରେ ପ୍ରମୁଖ ଭୂମିକା ଗ୍ରହଣ କରି ବିଭିନ୍ନ ଉପାୟରେ ମାନବିକ ଅଧିକାର ସମ୍ପର୍କରେ ଜନ ସଚେତନତା ସୃଷ୍ଟି କରିବା ନିମନ୍ତେ ଆଗେଇ ଆସିବାକୁ ମୁଖ୍ୟ ଅତିଥି ଆହ୍ବାନ ଦେଇଥିଲେ। ଓଡ଼ଗାଁ ବାର ଆସୋସିଏସନର ସଭାପତି ପୂର୍ଣ୍ଣଚନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆଲୋଚନା ଚକ୍ରରେ ଓଡ଼ିଶା ହାଇକୋର୍ଟ ଜଷ୍ଟିସ ଗୌରିଶଙ୍କର ଶତପଥି ମୁଖ୍ୟ ବକ୍ତା ଭାବେ ଯୋଗଦେଇ ପ୍ରାକୃତିକ ଅଧିକାର ଗୁଡ଼ିକ ହେଉଛି, ମାନବାଧିକାର ପର୍ଯ୍ୟାୟଭୁକ୍ତ। ସାମାଜିକ ସୁରକ୍ଷା, ମହିଳା ଓ ଶିଶୁ ସୁରକ୍ଷା, ଶିକ୍ଷା ଓ ସ୍ବାସ୍ଥ୍ୟ ସୁରକ୍ଷା, କେବଳ ମାତୃସ୍ନେହରୁ ବଞ୍ଚିତ ନୁହେଁ ବରଂ ମାତୃ ସ୍ତନ୍ୟପାନ ପାନରୁ ବଞ୍ଚିତ ଶିଶୁଟିଏ ସହିତ ଅନ୍ୟାନ୍ୟ ମୌଳିକ ଅଧିକାରରୁ ବଞ୍ଚିତ ମାନଙ୍କୁ ମାନବିକ ଅଧିକାର ସୁରକ୍ଷାର ଆବଶ୍ୟକ ରହିଛି। ବିଡ଼ମ୍ବନା ଏହି ଯେ,୧ ଶହରୁ ୫ ପ୍ରତିଶତ ଲୋକ ଆପତ୍ତି କରିବାକୁ ଫୋରମକୁ ଆସୁନାହାନ୍ତି।ସମାଜର ମା'ସଦୃଶ୍ୟ ବାର ଆସୋସିଏସନ ଜନ ସଚେତନତା ମାଧ୍ୟମରେ ନିରବି ଯାଉଥିବା ସ୍ବର ସହିତ ସ୍ବର ମିଶାଇଲେ ମାନବ ଅଧିକାରର ସୁରକ୍ଷା ହୋଇପାରିବ ବୋଲି କହିଥିଲେ। ସେହିପରି ନୟାଗଡ଼ ମୁଖ୍ୟ ଜିଲ୍ଲା ଜଜ୍ ଆନନ୍ଦ ନାରାୟଣ ମହାରଣା ସମ୍ମାନିତ ଅତିଥି ଭାବେ ଯୋଗଦେଇ କହିଥିଲେ,ଜନ ସଚେତନତା ମାଧ୍ୟମରେ ମାନବାଧିକାରର ଭିତ୍ତି ପ୍ରସ୍ତର ସ୍ଥାପନ ହୋଇଥାଏ।ବାର ଆସୋସିଏସନ ସହିତ ଅନ୍ୟ ସମସ୍ତ ସାମାଜିକ ଅନୁଷ୍ଠାନ ମାନେ ସହଯୋଗ କଲେ ଏସବୁ ସମ୍ଭବ ହୋଇପାରିବ।ନୟାଗଡ଼ ଜିଲ୍ଲା ବାର ଆସୋସିଏସନର ସଭାପତି ରଣଜିତ ଦାଶ ଜିଲ୍ଲା ଆସୋସିଏସନ୍ ତରଫରୁ ଏବଂ ଓଡ଼ଗାଁ ବାର ଆସୋସିଏସନ ତରଫରୁ ସମସ୍ତ ଅତିଥିଙ୍କୁ ସମ୍ବର୍ଦ୍ଧିତ କରାଯାଇଥିଲା।ବାର ଆସୋସିଏସନ ସମ୍ପାଦକ ଅଧିବକ୍ତା ବଟକୃଷ୍ଣ ମିଶ୍ର ସମ୍ପାଦକୀୟ ବିବରଣୀ ପାଠ କରିଥିଲା ବେଳେ ବରିଷ୍ଠ ଅଧିବକ୍ତା ଇନ୍ଦୁ ଭୂଷଣ ମିଶ୍ର ଧନ୍ୟବାଦ ଦେଇଥିଲେ। ସେହିପରି ଅନ୍ୟତମ ବରିଷ୍ଠ ଅଧିବକ୍ତା ଗୋବିନ୍ଦ ଚନ୍ଦ୍ର ସାହୁ କାର୍ଯ୍ୟକ୍ରମକୁ ସଂଯୋଜନା କରିଥିଲେ। ଆସୋସିଏସନର ଉପସଭାପତି ତଥା ଅତିରିକ୍ତ ପିପି ଯଜ୍ଞ ନାରାୟଣ ପାତ୍ର କାର୍ଯ୍ୟକ୍ରମ ପରିଚାଳନା କରିଥିଲା ବେଳେ ସମସ୍ତ ଓକିଲ ବନ୍ଧୁମାନେ ସହଯୋଗ କରିଥିଲେ।
