ଜଗତସିଂହପୁର,ତା-୩୦.୧୧.୨୦୨୫/ସୁମନ୍ତ କୁମାର ଦାସ: ଜଗତସିଂହପୁର ବ୍ଲକ ଅନ୍ତର୍ଗତ କନ୍ତାର ଗ୍ରାମର ରାକେଶ ସାମନ୍ତରାୟ ଢେଙ୍କାନାଳ ଜିଲ୍ଲା ପର୍ଜଙ୍ଗା ବ୍ଲକ ଅନ୍ତର୍ଗତ ତୁଳସିପଶି ଗ୍ରାମର ଦେବଯାନୀ ସାମନ୍ତରାୟଙ୍କୁ ପ୍ରେମ ବିବାହ କରିଥିଲେ । ଉଭୟଙ୍କର ୧୧ ବର୍ଷର ଏକ ପୁତ୍ର ଓ ୧୦ ବର୍ଷର ଏକ କନ୍ୟା ସନ୍ତାନ ଅଛି । ସ୍ଵାମୀ-ସ୍ତ୍ରୀ ଏବଂ ଶାଶୁ ଶଶୁରଙ୍କ ମଧ୍ୟରେ ମନାନ୍ତର ମତାନ୍ତର ଘଟିଥିଲା । ଦୁଇ ବର୍ଷ ହେବ ପୁଅ ବୋହୁଙ୍କୁ ଶାଶୁ ଶଶୁର ତାଙ୍କ ଘରୁ ବାହାର କରିଦେଇଥିଲେ ଏବଂ ଉଭୟ ସ୍ଵାମୀ ସ୍ତ୍ରୀ ଏକ ଭଡା ଘରେ ରହୁଥିଲେ । ଏହି ସମସ୍ଯାର ସମାଧାନ ନିମନ୍ତେ ଦେବଯାନୀ ଜିଲ୍ଲା ଆଇନ ସେବା ପ୍ରାଧିକରଣର ଦ୍ଵାରସ୍ଥ ହୋଇଥିଲେ । ଏହାପରେ ଜିଲ୍ଲା ଆଇନ ସେବା ପ୍ରାଧିକରଣ ତରଫରୁ ଦୁଇ ପକ୍ଷଙ୍କୁ ଉପସ୍ଥିତ ରହି ସମାଧାନ ନିମନ୍ତେ ନୋଟିସ କରାଯାଇଥିଲା । ଆଇନ ସେବା ପ୍ରାଧିକରଣ ସଚିବ ବିଡିଡି ଚନ୍ଦନଙ୍କ ହସ୍ତକ୍ଷେପ ଏବଂ ରିଟେନର ଆଇନଜୀବୀ ମିହିର ନାରାୟଣ ମଲ୍ଲିକଙ୍କ ମଧ୍ୟସ୍ଥତା ମାଧ୍ୟମରେ ଦେବଯାନୀ ଓ ତାଙ୍କ ସ୍ଵାମୀ ରାକେଶ ଏବଂ ତାଙ୍କ ଶାଶୁ ଶଶୁର ପୁଣି ଏକାଠି ହୋଇ ଚଳିବାକୁ ରାଜି ହୋଇଥିଲେ । ଉଭୟ ପକ୍ଷ ଏହି ସମାଧାନରେ ଖୁସି ହୋଇ ଘରକୁ ଯାଇଥିଲେ ।