ବାଲେଶ୍ୱର,(ଉଜ୍ଜ୍ୱଳ କର )
ନବବର୍ଷ ଅବସରରେ ବାଲେଶ୍ୱର ସାମ୍ବାଦିକ ସଂଗଠନ ‘ପ୍ରେସ କ୍ଲବ’ ଓ ‘ଇଲେକ୍ଟେ୍ରାନିକ୍ସ ମିଡିଆ କ୍ଲବ’ ପୃଥକ ପୃଥକ ସ୍ଥାନରେ ବନ୍ଧୁମିଳନ ପର୍ବ ୩ ତାରିଖ ସଂଧ୍ୟାରେ ଅନୁଷ୍ଠିତ ହୋଇଯାଇଛି । ପ୍ରେସ କ୍ଲବ ପକ୍ଷରୁ ଉତ୍ସବ ସ୍ଥାନୀୟ କ୍ଲବ ପରିସରରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମ ଏବଂ ସମ୍ବର୍ଦ୍ଧନା ସଭାରେ କ୍ଲବର ପୂର୍ବତନ ସଭାପତି ନାରିସ୍ଥ ସାମ୍ବାଦିକ ବିପ୍ଲବ କୁମାର ମହାନ୍ତି ପୌରହିତ୍ୱ କରିଥିଲେ । ସଦର ବିଧାୟକ ଜୀବନ ପ୍ରଦୀପ ଦାଶ, ରେମୁଣା ବିଧାୟକ ଗୋବିନ୍ଦ ଚନ୍ଦ୍ର ଦାସ, ଜିଲ୍ଲାପାଳ ରମେଶ ଚନ୍ଦ୍ର ରାଉତ, ଅତିରିକ୍ତ ଜିଲ୍ଲାପାଳ ମାନସ ରଞ୍ଜନ ପାଢ଼ୀ, ଉପ-ଜିଲ୍ଲାପାଳ ନୀଲୁ ମହାପାତ୍ର, ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିଦେ୍ର୍ଧଶକ ତ୍ରିଲୋଚନ ପ୍ରଧାନ, ପୂର୍ବତନ ବିଧାୟକ ଅରୁଣ ଦେ, ପୂର୍ବତନ ପୌରପାଳ ଆଲୋକ କୁମାର ସାହୁ, ବ୍ରିଟ୍ ଅଧ୍ୟକ୍ଷ ଗୌରୀ କୁମାର ରାଉତ, ଶିଳ୍ପପତି ହିମାଂଶୁ ଦାସ, ଇମାମି ପେପର ମିଲ୍ସର ବରିଷ୍ଠ ନିଦେ୍ର୍ଧଶକ ଏମବିଏସ ନାୟାର, ସଭାପତି ଏସ କେ ଖୈତାନ, ଏଜିଏମ ମନୋଜ କୁମାର ପାଢ଼ୀ, ସମାଜସେବୀ ସୁବାସିନୀ ଜେନା, ଅଞ୍ଜଳି ପଣ୍ଡା, ଅଜୟ କୁମାର ବିଶ୍ୱାଳ, ଦୈନିକ ଓଡ଼ିଆ ଖବର କାଗଜ ‘ସମ୍ବାଦ’ର ଉତ୍ତର ଓଡ଼ିଶା ସଂସ୍କରଣ ମୁଖ୍ୟ ଗୌତମବୁଦ୍ଧ ଦାସ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ସୁବାଷ ନିଆଲ, ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ ଦୀପକ କୁମାର ସାହୁ, ଶିଳ୍ପାଂଚଳ ଥାନାଧିକାରୀ ପରେଶ ରାଉତ ପ୍ରମୁଖ ବରେଣ୍ୟ ଅତିଥି ଭାବେ ଯୋଗଦେଇ ସମସ୍ତଙ୍କୁ ନବବର୍ଷର ଅଭିନନ୍ଦନ ଜଣାଇବା ସହିତ ଦୈନନ୍ଦିନ ସାମ୍ବାଦିକତା କ୍ଷେତ୍ରରେ ବ୍ୟସ୍ତ ରହି ସୁଦ୍ଧା ବର୍ଷ ଆରମ୍ଭରେ କେଇଘଣ୍ଟାର ଏହି ଉସôବ ସମସ୍ତଙ୍କୁ ଉତ୍ସାହିତ କରିପାରିଛି ବୋଲି ମତ ପ୍ରକାଶ କରିଥିଲେ । ତେବେ ସତ୍ୟ ଏବଂ ନିର୍ଭୀକ ସାମ୍ବାଦିକତା ସାଙ୍ଗକୁ ସାମାଜିକ ସମସ୍ୟାକୁ ସାମ୍ବାଦିକମାନେ ବିଶେଷ ଗୁରୁତ୍ୱ ଦେଲେ ଉଭୟ ରାଜନୈତିକ ଓ ପ୍ରଶାସନିକ ସ୍ତରରେ ଦାୟିତ୍ୱ ବୃଦ୍ଧି ପାଇବ ବୋଲି ଅତିଥିମାନେ କହିଥିଲେ । କ୍ଲବର ସଭାପତି ଦେଶପ୍ରିୟ ଦାଶ ଏବଂ କ୍ଲବର ସମ୍ପାଦକ ରଞ୍ଜନ କୁମାର ବାଗ ଏଥିରେ ଉପସ୍ଥିତ ରହି ବକ୍ତବ୍ୟ ପ୍ରଦାନ କରିଥିଲେ । ଶେଷରେ ପ୍ରେସ କ୍ଲବର ସଦସ୍ୟ ଓ ସେମାନଙ୍କ ପରିବାରଙ୍କ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଅଧିପ କୁମାର ଜେନା, ସପନ ବିଶ୍ୱାଳ, ରତିକାନ୍ତ ପାତ୍ର, ମୃତ୍ୟୁଞ୍ଜୟ ପଟ୍ଟନାୟକ, ଶିବଶଙ୍କର ଭୋଇ, ଗୋବିନ୍ଦ ରାଠୀ, ମନୋଜ ବିଶ୍ୱାଳ, ହାଇଦର ଖାନ, ହିମାଂଶୁ ଦାସ, ଚକ୍ରଧର ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସକ୍ରିୟ ସହଯୋଗ କରିଥିଲେ ।
ସେହିପରି ଇଲେକଟ୍ରୋନିକ ମିଡିଆ କ୍ଲବ୍ ‘ଇଏମସି’ ପକ୍ଷରୁ ମଧ୍ୟ ନୁଆବର୍ଷ ବନ୍ଧୁମିଳନ କାର୍ଯ୍ୟକ୍ରମ ବେଶ୍ ଧୁମଧାମରେ ପାଳିତ ହୋଇଯାଇଛି । ଏନେଇ ସ୍ଥାନୀୟ ଭେନିୟା ପାରାଡାଇଜ୍ କଲ୍ୟାଣ ମଣ୍ଡପରେ ଏକ ସ୍ୱତନ୍ତ୍ର ଉତ୍ସବ ଆୟୋଜିତ ହୋଇଥିଲା । କ୍ଲବର ସଭାପତି ରଶ୍ମିରଞ୍ଜନ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବନ୍ଧୁମିଳନ ଉତ୍ସବରେ ସଦର ବିଧାୟକ, ରେମୁଣା ବିଧାୟକ, ବାଲେଶ୍ୱର ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ଉପ-ଜିଲ୍ଲାପାଳ, ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ଙ୍କ ସମେତ ଶିଳ୍ପପତି ହିମାଂଶୁ ଦାସ, ଇମାମୀ ପେପର ମିଲ୍ସର ବରିଷ୍ଠ ନିର୍ଦ୍ଦେଶକ ଏମବିଏସ ନାୟାର, ସମାଜସେବୀ ସୁବାସିନୀ ଜେନା ପ୍ରମୁଖଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଅତିଥିଭାବେ ଯୋଗଦେଇ ସମସ୍ତଙ୍କୁ ନବବର୍ଷର ଶୁଭେଚ୍ଛା ଜଣାଇଥିଲେ । କ୍ଲବର ସମ୍ପାଦକ ସତ୍ୟଜିତ୍ ସେନାପତି, ଉପ-ସଭାପତି ତାରିଣୀ ପାଢ଼ୀ, ଉପଦେଷ୍ଟା କିଷାନ ସାହୁ, ବ୍ରହ୍ମନାଥ ରଥ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ଶେଷରେ ସାଂସ୍କୃତିକ କାର୍ଯ୍ୟକ୍ରମ ପରିବେଶିତ ହୋଇଥିଲା ।
