ଜଳସଂକଟ ପାଇଁ ତାତିଲେ ମହିଳା : ପମ୍ପ ହାଉସରେ ପକାଇଲେ ତାଲା
।।ଗୁଣପୁରରୁ ସିଦ୍ଧାର୍ଥ ଦାଶ।।
ଜଳର ଘୋର ସଙ୍କଟ ଦେଖାଯିବା ଯୋଗୁଁ ରାୟଗଡା ଜିଲ୍ଲା ଅନ୍ତର୍ଗତ ପଦ୍ମପୁର ବ୍ଲକ ଅଧୀନରେ ଥିବା ନାଇରା ଗ୍ରାମର ନୁଆଁସାହି (ପବନାପୁର ଓ ଝାଙ୍କିରିବାଡ) ର ମହିଳା ମାନଙ୍କ ଦ୍ୱାରା ଆଜି ନାଇରା ଗ୍ରାମରେ ଥିବା ପାଣି ପମ୍ପ ହାଉସ ଘରେ ତାଲା ପକେଇ ଉକ୍ତ ସମସ୍ୟାର ତୁରନ୍ତ ଉପଯୁକ୍ତ ସମାଧାନ ନିମନ୍ତେ ଧାରଣା ରେ ବସିଥିଲେ ।
ନିୟମିତ ଭାବରେ ପାଣି ପମ୍ପ ହାଉସ ରେ କାର୍ଯ୍ୟରତ କର୍ମଚାରୀ ଓ ଉଚ୍ଚ ପଦସ୍ଥ କର୍ମଚାରୀ ଙ୍କୁ ପାଣି ପାଇ ପାରୁନଥିବା ନେଇ ଦୃଷ୍ଟି ଆକର୍ଷଣ କରାଯାଉଥିଲେ ମଧ୍ୟ କୌଣସି ପଦକ୍ଷେପ ନିଆଯାଇନଥିବା ଗ୍ରାମ ବାସୀ ଅଭିଯୋଗ କରିଛନ୍ତି ।
ରାଜ୍ୟ ସରକାର ଙ୍କ ଦ୍ୱାରା ହୋଇଥିବା ଘରେ ଘରେ ପାଇପ ଲାଇନ ଯୋଜନା ଏଠି ଫେଲ୍ ମାରିଥିବା ଦେଖିବାକୁ ମିଳିଛି ।
ଗୁଣପୁର ବିଧାୟକ ଶ୍ରୀ ତ୍ରିନାଥ ଗମାଙ୍ଗଙ୍କ ନିଜ ଗ୍ରାମ ପଦ୍ମପୁର ବ୍ଲକ ଅନ୍ତର୍ଗତ ନାଇରା ଠାରେ ପିଇବା ପାଣି ର ବ୍ୟବସ୍ଥାରେ ଅନିୟମିତତା ଦେଖି , ଆଗାମୀ ନିର୍ବାଚନରେ ନାଇରା ବାସୀ ଏହାର ପ୍ରତିଉତ୍ତର ଭୋଟରେ ଦେବେ ବୋଲି ରାଜନୈତିକ ସମୀକ୍ଷକ ମାନେ ମତ ପ୍ରକାଶ କରିଛନ୍ତି ।
