ଗୁଣପୁର ରୁ ସନ୍ତୋଷ କୁମାର- ଆଜି ଗୁଣପୁର ମିନି ଷ୍ଟାଡିୟମ ଠାରେ ସକାଳ ୯:୩୦ ମିନିଟ୍ ସମୟରେ ରେ ସୁନୀଲ ମେମୋରିଆଲ ଚାରିଟେବୁଲ ଫାଉଣ୍ଡେସନ, ଭୁବନେଶ୍ବର ପକ୍ଷରୁ ଶିକ୍ଷକ ନେତା ତଥା ସାମ୍ବାଦିକ ଙ୍କ ପିତାମହ ତଥା କ୍ରୀଡ଼ା ପ୍ରେମୀ ସ୍ଵର୍ଗତ. ସୁନୀଲ କୁମାର ଦାଶ ଙ୍କ ସ୍ମୃତି ରେ ଏକ ଡ୍ୟୁଜ୍ ବଲ କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜିତ ହୋଇଯାଇଛି । ଏହା ଆଜିଠାରୁ ଆରମ୍ଭ ହୋଇ ଆଗାମୀ ୧୭ ତାରିଖ ରେ ସମାପ୍ତ ହେବା ବୋଲି ସୁନୀଲ ମେମୋରିଆଲ ଚାରିଟେବୁଲ ଫାଉଣ୍ଡେସନ ର ନିର୍ଦ୍ଦେଶକ ଶ୍ରୀ ଶକ୍ତି ଦାଶ ସୂଚନା ଦେଇଛନ୍ତି ।
ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗୁଣପୁର ପୌର ପରିଷଦ ଉପାଧ୍ୟକ୍ଷ ଶ୍ରୀ ଶିବ ପ୍ରସାଦ ଗୌଡ ଓରଫ୍ ସାନ ଗୌଡ, ସମ୍ମାନିତ ଅତିଥି ଭାବେ ଓକିଲ ସଂଘ ସଭାପତି ଶ୍ରୀ ଗୌରୀ ଶଙ୍କର ଦାଶ, ମହର୍ଷି ଗୁରୁକୁଳ ର ଅଧ୍ୟକ୍ଷ ଶ୍ରୀ ସନ୍ତୋଷ କୁମାର ଗୁରୁ ଓ ସମ୍ପାଦକ ଶ୍ରୀ ରାଜେଶ କୁମାର ପଣ୍ଡା, କ୍ରୀଡାବିତ୍ ରବିନ୍ଦ୍ର କୁମାର ପଣ୍ଡା, କଳିଙ୍ଗ ସାମ୍ବାଦିକ ସଙ୍ଘ ର ଉପ ସଭାପତି ଶ୍ରୀ ସୂର୍ଯ୍ୟ ପ୍ରକାଶ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।
ଆଜି ପ୍ରଥମ ଦିନ ମ୍ୟାଚ୍ ଟି ପାରଳାଖେମୁଣ୍ଡି ଓ ଗୁଣପୁର ଜି.ଆଇ.ଇ. ଟି ବିଶ୍ୱ ବିଦ୍ୟାଳୟ ମଧ୍ୟ ରେ ହୋଇଥିଲା ।ଏଥିରେ ପ୍ରଥମେ ଜି.ଆଇ.ଇ. ଟି ବିଶ୍ୱ ବିଦ୍ୟାଳୟ ଟଚ ଜିତି ବ୍ୟାଟିଂ କରିବା ନିଷ୍ପତ୍ତି ନେଇ ସମୁଦାୟ ୨୫ ଓଭର ଖେଳି ୯ ଗୋଟି ୱିକେଟ ହରାଇ ୧୩୭ ରନ୍ କରିଥିବା ବେଳେ ପାରଳାଖେମୁଣ୍ଡି ଦ୍ଵିତୀୟ ପର୍ଯ୍ୟାୟ ରେ ୨୪ ଓଭର ୩ ଟି ବଲ ଖେଳି ୩ ୱିକେଟ ରେ ବିଜୟୀ ହୋଇଛି। ଜି.ଆଇ.ଇ. ଟି ବିଶ୍ୱ ବିଦ୍ୟାଳୟ ପକ୍ଷରୁ ପ୍ରୀତମ ପ୍ରଧାନ ସର୍ବାଧିକ ୪୧ ରନ୍ କରିଥବା ବେଳେ ପାରଳାଖେମୁଣ୍ଡି ପକ୍ଷରୁ ସୁନିତ ବେହେରା ସର୍ବାଧିକ ୪୭ ରନ୍ କରି ମେନ ଅଫ୍ ଦି ମ୍ୟାଚ୍ ଲାଭ କରିଛନ୍ତି ଏବଂ ପାରଳାଖେମୁଣ୍ଡି ପକ୍ଷରୁ ସର୍ବାଧିକ ଭାବେ ପି ସତୀଶ ୩ ଗୋଟି ଓ ଶୁଭମ୍ ରାଉତ ୩ ଗୋଟି ୱିକେଟ ନେଇଥିଲେ।
