ବିଜେଡି ଟାର୍ଗେଟରେ ବିଜେପି, ନିଜଜିଲ୍ଲାକୁ ଉପମୁଖ୍ୟମନ୍ତ୍ରୀଙ୍କ ଅଣଦେଖା

ବଲାଙ୍ଗୀର,୨୫ା୮-ବଲାଙ୍ଗୀର ଜିଲ୍ଲାରୁ ଉପମୁଖ୍ୟମନ୍ତ୍ରୀ ତଥା ରାଜ୍ୟସରକାରଙ୍କ କୃଷିମନ୍ତ୍ରୀ କନକବର୍ଦ୍ଧନ ସିଂଦେଓ ପ୍ରତିନିଧିତ୍ୱ କରୁଛନ୍ତି । ଏହା ସହିତ ବଲାଙ୍ଗୀରବାସୀଙ୍କ ଭୋଟପାଇ ତାଙ୍କ ପତ୍ନୀ ସଂଗୀତାକୁମାରୀ ସିଂଦେଓ ସାଂସଦ ହୋଇଛନ୍ତି । ତଥାପି ବିଜେପିସରକାର ବଲାଙ୍ଗୀରର ନ୍ୟାର୍ଯ୍ୟଦାବିକୁ ଅଣଦେଖା କରିଛି । ବଲାଙ୍ଗୀରର ବିଜେଡି ବିଧାୟକ କଳିକେଶନାରାୟଣ ସିଂଦେଓ ବଲାଙ୍ଗୀର ଜିଲ୍ଲାବାସୀଙ୍କ ଦାବିକୁ ବିଧାନସଭାରେ ଉପସ୍ଥାପନ କରିବା ସହିତ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଦୃଷ୍ଟି ଆକର୍ଷଣ କରିଥିଲେ । କିନ୍ତୁ ଉପମୁଖ୍ୟମନ୍ତ୍ରୀ ତଥା କୃଷିମନ୍ତ୍ରୀ ନିଜ ଜିଲ୍ଲାବାସୀଙ୍କୁ ଧୋକାଦେଲେ ବୋଲି ଆଜି କୃଷିବିଶ୍ୱବିଦ୍ୟାଳୟ ସ୍ଥାପନ ପ୍ରସଙ୍ଗରେ ଜିଲ୍ଲାପାଳ କାର୍ଯ୍ୟାଳୟ ଘେରାଉକରି ବିଜେଡିଦଳ ଗର୍ଜିଛି । ବିଜେଡିନେତାମାନେ ଅଭିଯୋଗ କରିଛନ୍ତି ଯେ,ଗତ ଏକ ଦଶନ୍ଧୀଧରି ବଲାଙ୍ଗୀରରେ କୃଷିବିଶ୍ୱବିଦ୍ୟାଳୟ ସ୍ଥାପନ ପାଇଁ ଜନଅନ୍ଦୋଳନ ଜରିଆରେ ଦାବି ହୋଇଆସୁଛି । କିନ୍ତୁ ଏବେ ସରକାର ବଲାଙ୍ଗୀର ବଦଳରେ ସମ୍ବଲପୁରରେ ଏହାକୁ କରିବାକୁ ନିସ୍ପତ୍ତି ନେଇଛନ୍ତି । ବଲାଙ୍ଗୀର ଜିଲ୍ଲା ବାରମ୍ବାର ଉପେକ୍ଷିତ ହୋଇଚାଲିଛି । ବିଗତ ନବୀନ ପଟ୍ଟନାୟକ ସରକାର ଅମଳରେ ବଲାଙ୍ଗୀର ଜିଲ୍ଲାରେ ଲୋୟରସୁକତେଲ ଜଳସେଚନପ୍ରକଲ୍ପ,ଭୀମଭୋଇ ମେଡିକାଲ କଲେଜ ଓ ରାଜେନ୍ଦ୍ର ବିଶ୍ୱବିଦ୍ୟାଳୟ ଭଳି ଅନୁଷ୍ଠାନ ସ୍ଥାପନ କରାଯାଇଥିଲା । କିନ୍ତୁ ରାଜ୍ୟରେ ସରକାର ବଦଳି ବିଜେପି ସରକାର ଆସିଲା ପରେ ବଲାଙ୍ଗୀର ଜିଲ୍ଲାରୁ ଦୁଇଜଣମନ୍ତ୍ରୀ ଥାଇସୁଦ୍ଧା କୌଣସି ପ୍ରକଲ୍ପ ଆସିପାରୁନାହିଁ ବୋଲି ବିଜେଡି ଅଭିଯୋଗ କରିଛି । ବଲାଙ୍ଗୀର ବିଜେଡିନଗର ସଭାପତି ଶମ୍ଭୁପ୍ରସାଦ ନାଗଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବଲାଙ୍ଗୀର ଜିଲ୍ଲାପରିଷଦ ସଭାପତି ଦେବକୀ ସାହୁ,ପୌରାଧ୍ୟକ୍ଷା ଲିକା ସାହୁ,ବରିଷ୍ଠନେତା ଲକ୍ଷ୍ମଣ ମେହେର,ପ୍ରଭାସ ପାଣିଗ୍ରାହୀ,ପାଣ୍ଡବ କୁମ୍ଭାର,ମହିଳା ସଭାନେତ୍ରୀ ଦମୟନ୍ତି ବାଘ,ଏଡଭୋକେଟ ଜୟରାମ ମିଶ୍ର,ଅମରେଶ ତ୍ରୀପାଠୀ,କୈଳାଶ ମହାନ୍ତି,ବିଧୁଭୂଷଣ ତ୍ରୀପାଠୀ,ଗୁଲାବ ବାଗ,ସୁଶୀଳ ଚାନ୍ଦ,ଜିଲ୍ଲା ଯୁବବିଜେଡି ସଭାପତି ରାଜେନ୍ଦ୍ର ହୋତା,ପ୍ରଦ୍ୟୁମ୍ନ ହୋତା,ଛାତ୍ରବିଜେଡିନେତା ସୁମନ ନନ୍ଦ, ପ୍ରମୁଖ ବିଜେପିସରକାରଙ୍କୁ ତୀବ୍ରସମାଲୋଚନା କରିଥିଲେ । ପ୍ରଭାସ ପାଣିଗ୍ରାହୀ ତାଙ୍କ ବକ୍ତବ୍ୟରେ ଉପମୁଖ୍ୟମନ୍ତ୍ରୀ ଓ ସାଂସଦ କୃଷିବିଶ୍ୱବିଦ୍ୟାଳୟ ବଦଳରେ ରାଇସମିଲ ପ୍ରିତିରେ ପଡିଛନ୍ତି ବୋଲି କଟାକ୍ଷ କରିଥିବା ବେଳେ ଯୁବବିଜେଡି ସଭାପତି କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଘ ଜଣେ ଦାଦନସର୍ଦ୍ଦାର ହୋଇଥିବା ଯୋଗୁଁ ଦାଦନଶ୍ରମିକଙ୍କ ସମସ୍ୟାପ୍ରତି ସରକାର ଦୃଷ୍ଟିପାତ କରୁନଥିବା ଅଭିଯୋଗ ଉଠାଇଥିଲେ । । ଏହି ଅବସରରେ ବଲାଙ୍ଗୀରରେ କୃଷିବିଶ୍ୱବିଦ୍ୟାଳୟ ସ୍ଥାପନ କରିବାକୁ ମୁଖ୍ୟମନ୍ତ୍ରୀ ମୋହନଚରଣ ମାଝୀଙ୍କ ଉଦ୍ଦେଶ୍ୟରେ ଜିଲ୍ଲାପ୍ରଶାସନ ଜରିଆରେ ଏକ ଦାବିପତ୍ର ପ୍ରେରଣ କରାଯାଇଥିଲା । ସଭା ଶେଷରେ ବିଜେଡିନେତାମାନେ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଚାଲିଥିବା ରାଜସ୍ୱଅମଲାସଂଘର ଧାରଣାସ୍ଥଳୁକୁ ଯାଇ ସମର୍ଥନ ଜଣାଇଥିଲେ । ବିଜେଡିନେତାଗଣ କହିଥିଲେ ଯେ,ପୂର୍ବସରକାର ଅମଳରେ କର୍ମଚାରୀମାନେ ଆନ୍ଦୋଳନ କଲେ ଆଲୋଚନା କରାଯାଉଥିଲା । କିନ୍ତୁ ଗତ ୧୫ଦିନ ହେଲା ଆନ୍ଦୋଳନ ଚାଲିଥିଲେ ହେଁ ଏହି ସରକାରର କେହି ମଧ୍ୟ ଆଲୋଚନା କରୁନାହାଁନ୍ତି ବୋଲି ଅଭିଯୋଗ କରିଥିଲେ । ଏହି ଧାରଣା ରେ ବଲାଙ୍ଗିର ସଦର ବ୍ଲକର ବରିଷ୍ଠ ନେତା କୁଲମଣୀ ମେହେର , ସରୋଜ ସ୍ବାଇଁ , ନିହାର ରଞ୍ଜନ ସ୍ବାଇଁ , ଆଶୀର୍ବାଦ ସାହୁ , ମଳୟ ମେହେର , ପୁରୁଷୋତ୍ତମ ବାଗ , ଚକ୍ର ଭୋଇ , ବିରସେନ ସାହୁ , ଦେଓଗାଁ ବ୍ଲକ ର ସୈଲେନ୍ଦ୍ର ସାହୁ , ଅନ୍ତଯ୍ଯାମୀ ଭୋଇ , ମଙ୍ଗଲୁ ସାହୁ , ଅଚ୍ଯୁତ ମିଶ୍ର , ପ୍ରମୋଦ ବହିଦାର , ବେଣୁଧର ସିଂ , ଛାତ୍ର ନେତା ଦିପକ ବେହେରା , ଗୋପାଲ ମିଶ୍ର ସମେତ ଅନେକ କର୍ମକର୍ତ୍ତା ଉପସ୍ଥିତ ଥବାବେଳେ ବଲାଙ୍ଗିର ପୌରାଞ୍ଚଳ ବିଜେଡିର ସମସ୍ତ କାଉନସିଲର ତଥା ସମ୍ଭୁ ନାଗ , ନନ୍ଦିନୀ ପୋଢ, ସନ୍ତୋଷିନୀ କୁଁଅର , ପିଙ୍କି କବାଟ , ସଞ୍ଜୁଲତା ଦନ୍ତା , ଶତୃଘନ ବାଗ , ମହେନ୍ଦ୍ର ବାଗ , ଲଲାଟେନ୍ଦୁ ପଟ୍ଟନାୟକ, ଗଙ୍ଗାଧର ଚାନ୍ଦ, କିଶୋର କୁମ୍ଭାର , ବରିଷ୍ଠ ସଦସ୍ଯ ଇରସାଦ ଖାନ , ସାଗର ସଙ୍ଗମ ସତପଥି , ସନ୍ତୋଷ ଦନ୍ତା , ଶିବ ପ୍ରସାଦ ବେହେରା , ସୁଦାମ ସାହୁ , ଅସୀମ ପଟ୍ଟନାୟକ, ନରସିଂହ ବାଗ, ବନମାଲୀ ବାଗ , ବୁଲୁ ରାଉତରାୟ , ରାଜୁ କର , ଚନ୍ଦ୍ରମଣୀ ତ୍ରୀପାଠୀ , ଭଗବାନ ବଗର୍ତ୍ତୀ , ପ୍ରଦିପ ସାହୁ , ଗୁଞ୍ଜ ଖାନ, ଅନାଦୀ ପଟ୍ଟନାୟକ, ମୁନୁ ପୋଢ , ଗୋପାଲ ଦାନୀ , ସନ୍ତୋଷ ପାଣିଗ୍ରାହୀ , ସତ୍ଯ ନାଏକ , ଦିପକ ପଣ୍ଡା , ରଞ୍ଜନ ମିଶ୍ର, ଦିଲିପ ବଗର୍ତ୍ତୀ , ରମେଶ ବେହେରା , କ୍ଷିରୋଦ ନାଗ , ପବିତ୍ର ନେପାକ , ରାମ ନାଏକ , ବଣ୍ଟି ଚାନ୍ଦ, ମାନୁ ପଟ୍ଟନାୟକ ସମେତ ଅନେକ କର୍ମକର୍ତ୍ତା ଉପସ୍ଥିତ ରହି ଗଣଭିକ୍ଷୋବ କୁ ସଫଳ କରିଥିଲେ ।