ଓଡ଼ଗାଁ,୨୯।୮(ଶ୍ରୀକାନ୍ତ କୁମାର ମିଶ୍ର): ନୟାଗଡ଼ ଜିଲ୍ଲା ଓଡ଼ଗାଁ ବ୍ଳକ ରଙ୍ଗଣୀପାଟଣା ଗ୍ରାମପଞ୍ଚାୟତ ପରିସରରେ ଆନ୍ତର୍ଜାତୀୟ କ୍ରୀଡ଼ା ଦିବସ ଅବସରରେ ସେଣ୍ଟର ଫର୍ କାଟାଲାଇଜିଙ୍ଗ୍ ଚେଞ୍ଜ୍ ନାମକ ଏକ ସ୍ୱଚ୍ଛାସେବୀ ଅନୁଷ୍ଠାନ ପକ୍ଷରୁ ଓଡ଼ଗାଁ ବ୍ଲକ୍ ସଂଯୋଜକ ପ୍ରଭୁ ଶଙ୍କର ବାଘେଲଙ୍କ ତତ୍ତ୍ୱାବଧାନରେ ଏବଂ ସତ୍ୟପ୍ରକାଶ ସାହୁ ଓ ଶୁଭାଶିଷ ସାହୁଙ୍କ ସହଯୋଗରେ ବାଳିକା ସଶକ୍ତିକରଣ ସଭା ଅନୁଷ୍ଠିତ ହୋଇଯାଇଛି । ସରପଞ୍ଚ ସସ୍ମିତା ପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ବାଳିକା ଶିକ୍ଷା ଓ ବାଲ୍ୟବିବାହ ରୋକିବା ପାଇଁ ସମସ୍ତେ ଶପଥ ନେବା ଉଚିତ ବୋଲି ମତବ୍ୟକ୍ତ କରିଥିଲେ । ଏ ଅବସରରେ ମଶାବାରୀ କ୍ଲଷ୍ଟର୍ ସିଆରସିସି ଯଶୋବନ୍ତ ପଟ୍ଟନାୟକ ମୁଖ୍ୟବକ୍ତା ଭାବେ ଯୋଗଦେଇ ସାମ୍ପ୍ରତିକ ସମାଜରେ ମହିଳା ମାନଙ୍କ ଗୁରୁତ୍ୱ ଓ ବାଳିକା ସଶକ୍ତିକରଣ ଉପରେ ଆଲୋଚନା କରିଥିଲେ । ଅନୁଷ୍ଠାନ ତରଫରୁ ଆୟୋଜିତ ଏହି କାର୍ଯ୍ୟକ୍ରମର ଶ୍ରୀ ବାଘେଲ୍ ଉପସ୍ଥାପନ କରିବା ସହ ଉପସ୍ଥିତ ପଚାଶ ଜଣ ଛାତ୍ରୀମାନଙ୍କୁ ଶିକ୍ଷା ଗ୍ରହଣ ସମ୍ପର୍କିତ କୌଣସି ସମସ୍ୟା ଥିଲେ କ୍ଲାସରୁମ୍ ଚାଟ୍ ମାଧ୍ୟମରେ ସମାଧାନ କରାଯିବ ବୋଲି ସୂଚନା ଦେଇଥିଲେ । ପ୍ରକାଶ ଥାଉକି ଉକ୍ତ ଅନୁଷ୍ଠାନ ଓଡ଼ଗାଁ ବ୍ଲକର ଗୌଡ଼ପୁଟ ଓ ରଙ୍ଗଣୀପାଟଣା ଅଞ୍ଚଳରେ ପ୍ରାୟ ଶହେରୁ ଉର୍ଦ୍ଧ୍ବ ଛାତ୍ରୀମାନଙ୍କୁ ମାଗଣାରେ ଲୋକପ୍ରିୟ ଶିକ୍ଷକ ମାନଙ୍କ ଦ୍ଵାରା ସ୍ମାର୍ଟଶିକ୍ଷା ପ୍ରଦାନ କରିବା ସହ ବାଲ୍ୟବିବାହ ରୋକିବା ଦିଗରେ ମଧ୍ୟ କାର୍ଯ୍ୟ କରିଆସୁଛି ।