କୋମନା,୨୯/୮(ଭାଗିରଥି ଭୋଇ) ପଶ୍ଚିମ ଓଡିଶାର ଗଣପର୍ବ ନୂଆଁଖାଇ ପାଇଁ ଏବେ ଗାଁ ଠୁ ସହର ଚଳଚଞ୍ଚଳ । ଏହା ଏକ କୃଷିଭିତ୍ତିକ ପର୍ବ ହୋଇଥିବା ବେଲେ ଲୋକଙ୍କ ସାମାଜିକ ଜୀବନ ସହ ଯୋଡି ହୋଇ ରହିଛି । କୋମନା ବ୍ଲକ ନୂଆଗାଁ ଗ୍ରାମରେ ଭୋଇ ପରିବାର ର ୮୦ ଜଣ ସଦସ୍ୟ ଏକାଠି ନୂଆଁ ଖାଇଛନ୍ତି । ପ୍ରଥମେ ଗ୍ରାମର ଇଷ୍ଟଦେବୀ,ଘର ର ଇଷ୍ଟଦେବତା, ପିତୃ ପୁରୁଷଙ୍କୁ ନୂଆ ଚାଉଳରେ ତିଆରି ନବାନ୍ନ ଅର୍ପଣ କରିଥିଲେ । ପରେ ପରିବାର ର ସମସ୍ତ ସଦସ୍ୟ ଏକାଠି ନୂଆ ଖାଇଥିଲେ । ପରବାର ର ମୁଖ୍ୟ ଘାସିରାମ ଭୋଇ ସମସ୍ତଙ୍କୁ ନବାନ୍ନ ପ୍ରଦାନ କରିଥିଲେ । ନୂଆଖାଇ ସାରିବା ପରେ ଛୋଟମାନେ ବୟୋଜ୍ୟଷ୍ଟମାନଙ୍କୁ ମୁଣ୍ଡିଆ ମାରି ଆଶ୍ରିବାଦ ଭିକ୍ଷା କରିଥିଲେ । ନୂଆଁଖାଇ ଖାଲି ଏକ ପର୍ବ ନୁହେଁ ଏହା ଭାଇଚାରାକୁ ମଧ୍ୟ ମଜବୁତ କରି ରଖିଥାଏ ବୋଲି ପରିବାର ର ସଦସ୍ୟ ନୀଳମଣି ଭୋଇ ପ୍ରକାଶ କରିଥିଲେ । ଶେଷରେ ସମସ୍ତ ସଦସ୍ୟ ଏକାଠି ପ୍ରସାଦସେବନ କରିଥିଲେ । ସୂଚନାଯୋଗ୍ୟ, ସ୍ଵର୍ଗତ ଜୟରାମ ଭୋଇ,ଭଜନ ଭୋଇ ଓ ହରିଶଙ୍କର ଭୋଇଙ୍କ ସୁପୁତ୍ର ଏଥରଏକତ୍ରିତ ହୋଇଥିଲେ । ବରିଷ୍ଠ ସଦସ୍ୟ କୈଳାସ ଭୋଇ,ଅଭିରାମ ଭୋଇ,ହରପ୍ରସାଦ ଭୋଇ,ନାରାୟଣ ଭୋଇ,ଆନ୍ଦ ଭୋଇ ପ୍ରମୂଖ ଉପସ୍ଥିତ ଥିଲେ ।