ପାରଳାଖେମୁଣ୍ଡି/ବାଳକୃଷ୍ଣ ପାଣିଗ୍ରାହୀ :  ମୁକେଶ ପାଣିଗ୍ରାହୀଙ୍କ ନେତୃତ୍ୱରେ ୧୯୮୮ ମସିହା ମହାରାଜାଙ୍କ ବାଳକ ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ଛାତ୍ର ମାନଙ୍କର ବନ୍ଧୁ ମିଳନ ସ୍ଥାନୀୟ ବନ ଦୁର୍ଗା ମନ୍ଦିର ପରିସର ଠାରେ ଆଡମ୍ୱରରେ ଆୟୋଜନ ହୋଇଯାଇଛି । ଏଥିରେ ମହେଶ୍ୱର ମିଶ୍ର , ଦେବରାଜ ସାମଲ, ନିରଞ୍ଜନ ନାୟକ, ପ୍ରଫୁଲ ପାଣିଗ୍ରାହୀ, ବାସୁଦେବ ଚୌଧୁରୀ, ପି.ଯୋଗୀନାଇଡୁ, କୁମୁଦ ରଞ୍ଜନ ଦାସ, ସୂର୍ଯ୍ୟନାରାୟଣ ଦାସ, ସୁବାସ ଚନ୍ଦ୍ର ପାତ୍ର, ସତ୍ୟନାରାଣୟ ମହାନ୍ତି ବରିଷ୍ଠ ଓ ପୁରାତନ ଶିକ୍ଷକ ମାନଙ୍କୁ ପାଇ ଛାତ୍ରମାନେ ଅତିଥି ରୁପେ ସମ୍ମାନିତ କରିଥିଲେ । ତାଙ୍କ ସହ ସେମାନଙ୍କର ମୂଲ୍ୟବାନ ଉପଦେଶ ଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ସ୍ଥାନୀୟ ଛାତ୍ରମାନେ ବିଭିନ୍ନ ସ୍ଥାନରେ ରହୁଥିବା ସତ୍ୱେ ଯେପରିକି ଦିଲ୍ଲୀ, ମୁମ୍ୱେଇ, ଓ ହାଇଦରାବାଦରୁ ଆସି ଏହି କାର୍ଯ୍ୟକ୍ରମରେ ଯୋଗ ଦେଇ ବନ୍ଧୁ ମିଳନର ସହ ପ୍ରିତୀ ଭୋଜନର ଆୟୋଜନ କରିଥିଲେ । ଗଙ୍ଗାଧର ଖଞ୍ଜା, ସୁଧିରଞ୍ଜନ ମହାପାତ୍ର, ଶୈଳେନ୍ଦ୍ର ପାତ୍ର, ସୁଧାରଞ୍ଜନ ପଟ୍ଟନାୟକ, ଲୋକନାଥ ପଣ୍ଡା,ସୂର୍ଯ୍ୟ ପାଣିଗ୍ରାହୀ,ଭେଙ୍କେଟ ରାବଣାଙ୍କ ସହ ଉପସ୍ଥିତ ଛାତ୍ର ମାନେ ମିଳିମିଳି ପରିଚାଳନା କରିଥିଲେ ।