ଖଲ୍ଲିକୋଟରୁ  ଶିବରାମ ଜେନା\ଶାସକ ପ୍ରଶାସକ:  ଖଲିକୋଟ:୩୦/୭, ଆଜି ସ୍ଥାନୀୟ ଖଲ୍ଲିକୋଟ ଏନ୍ ଏ ସି କାର୍ଯ୍ୟାଳୟ ଠାରେ ଏନ୍ ଏ ସି ଚେୟାରମେନ ନିରଞ୍ଜନ ବେହେରା ଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା ବୋଲି ଜଣାପଡିଛି।
ଉକ୍ତ କାର୍ଯ୍ୟକ୍ରମରେ ଯୋଗଦେଇଥିବା ବ୍ୟକ୍ତି ବିଶେଷଙ୍କ ମଧ୍ୟରେ ଥିଲେ ଖଲ୍ଲିକୋଟ ବିଧାନସଭା ବିଧାୟକ ଶ୍ରୀ ପୂର୍ଣ୍ଣଚନ୍ଦ୍ର ସେଠୀ, ଏନ୍ ଏ ସି ଚେୟାରମେନ ନିରଞ୍ଜନ ବେହେରା ନୂତନ କାର୍ଯ୍ୟନିର୍ବାହୀ ଅଧିକାରୀ ସନ୍ଦୀପ ଖାଡଙ୍ଗା, ଭାଇସ୍ ଚେୟାରମେନ୍ ଲିଲି ସାହୁ,ଆସିକା ଲୋକସଭା ସାଂସଦା ପ୍ରତିନିଧି ଶଙ୍କର ପ୍ରସାଦ ନାହାକ, ବିଭିନ୍ନ ୱାର୍ଡ ର କାଉନସିଲର ତଥା କାର୍ଯ୍ୟରତ କର୍ମଚାରୀ ମାନେ ଥିଲେ। ବୈଠକ ର ମୁଖ୍ୟ ଭୂମିକା ରେ ଅବତରଣ କରିଥିଲେ ଖଲ୍ଲିକୋଟ ବିଜେପି ବିଧାୟକ ଶ୍ରୀ ପୂର୍ଣ୍ଣଚନ୍ଦ୍ର ସେଠୀ। ଆଜିର ବିଷୟ ବସ୍ତୁ କୁ ଅନୁଧ୍ୟାନ କଲେ ଜଣାଯାଏ ଯେ, ଖଲ୍ଲିକୋଟ ର ଉନ୍ନତି ମୂଳକ କାର୍ଯ୍ୟ କେତେ ଦୂର ଅଗ୍ରଗତି କରିଛି । ପରବର୍ତ୍ତୀ କାଳରେ ଆଗାମୀ ଭବିଷ୍ୟତରେ କ'ଣ ସବୁ ପଦକ୍ଷେପ ନିଆଯିବ, ଯାହାଫଳରେ କି ଖଲ୍ଲିକୋଟ ଏନ୍ ଏ ସି ଏକ ସୁନ୍ଦର ସହର ର
ରୂପ ରେଖ ନେବ ବୋଲି ମୁଖ୍ୟ ଆଲୋଚ୍ୟ ପ୍ରସଙ୍ଗ ଥଲା। ଉକ୍ତ ବୈଠକରେ ଏଜେଣ୍ଡା ଗୁଡିକ ଥିଲା ,ପରିମଳ ବ୍ୟବସ୍ଥାକୁ କଡ଼ାକଡ଼ି କରିବା,ରାସନ୍ କାର୍ଡ ଓ ବାର୍ଦ୍ଧକ୍ୟ ଭତ୍ତା, କାର୍ଯ୍ୟାଳୟର ଆୟ ଓ ବ୍ୟୟ , ରାସ୍ତା ଆଲୋକି କରଣ ,ସହର ସୌନ୍ଦର୍ଯ୍ୟ କରଣ
ନିମନ୍ତେ ବନୀକରଣ ଓ ଅନ୍ୟାନ୍ୟ ଆନୁଷଙ୍ଗିକ କାର୍ଯ୍ୟକୁ ତ୍ବରାନ୍ବିତ ପାଇଁ ଆଲୋଚନା ଚକ୍ର ରେ ସ୍ଥାନ ପାଇଥିଲା ବେଳେ, ବିଧାୟକ ଶ୍ରୀ ପୂର୍ଣ୍ଣଚନ୍ଦ୍ର ସେଠୀ ବାସହୀନ ପରିବାରକୁ ପ୍ରଧାନ ମନ୍ତ୍ରୀ ଆବାସ ଯୋଜନା ମାଧ୍ୟମରେ ଗୃହ ନିର୍ମାଣର ଆଦେଶ ପତ୍ର ଦେବାର ପରିଲକ୍ଷିତ ହୋଇଥିଲା।