ବଲାଙ୍ଗିର(ନିରୋଜ ମିଶ୍ର)- ଜ୍ଞାନଜ୍ୟୋତି ତପୋବନ ଶିକ୍ଷା ମନ୍ଦିରର ତୃତୀୟ ବାର୍ଷିକୋତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ରାଜ୍ୟ କାର୍ଯ୍ୟକାରିଣୀ ସଦସ୍ୟ, ବିଜେଡି ଅର୍କେଶ ନାରାୟଣ ସିଂଦେଓ, ସମ୍ମାନୀତ ଅତିଥି ଭାବେ ବ୍ଲକ ଶିକ୍ଷା ଅଧିକାରୀ ରିଚପାଲ ସାଗର, ଏବିଇଓ ଉତ୍ତମ କୁମାର ନାଏକ, ଜ୍ଞାନଜ୍ୟୋତି ତପୋବନ ଶିକ୍ଷା ମନ୍ଦିରର ପ୍ରତିଷ୍ଠାତା ତଥା ସଭାପତି ଯୋଗେଶ୍ୱର ମହାନ୍ତି, ଜ୍ଞାନଜ୍ୟୋତି ଶିବତଲା ଶାଖାର ସଭାପତି ତପନ କୁମାର ପଶାୟତ, ସମୂହ ବିଦ୍ୟାଳୟର କୋଷାଧ୍ୟକ୍ଷ ବିଶ୍ୱନାଥ ଚାନ୍ଦ ଓ ପ୍ରୟୋଜନା ଅଧିକାରୀ ନମିତା ମହାନ୍ତି ମଞ୍ଚାସୀନ ଥିଲେ । ମୁଖ୍ୟ ଅତିଥି ଶ୍ରୀ ସିଂଦେଓ ନିଜ ବକ୍ତବ୍ୟରେ ଛାତ୍ର ଛାତ୍ରୀ ମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରି ଭବିଷ୍ୟତର ଦେଶ ନିର୍ମାତା ହେବାକୁ ଆହ୍ୱାନ କରିଥିଲେ । ବିଦ୍ୟାଳୟର ଅଷ୍ଟମ ଶ୍ରେଣୀର ଛାତ୍ରୀ ରୋଲୀ ପଧାନଙ୍କୁ ଶ୍ରେଷ୍ଠ ଛାତ୍ର ସମ୍ମାନରେ ସମ୍ମାନୀତ କରାଯାଇଥିଲା । ବିଦ୍ୟାଳୟର ଶିକ୍ଷୟିତ୍ରୀ ଲାବଣ୍ୟ ତ୍ରିପାଠୀ ଓ ପୁରୁଷୋତ୍ତମ ଦାଶ କାର୍ଯ୍ୟକ୍ରମର ସଂଯୋଜନା କରିଥିବା ବେଳେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ମମତା ଖାଡଙ୍ଗା ଧନ୍ୟବାଦ ଦେଇଥିଲ । ଶେଷରେ ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।
