ସୁବର୍ଣ୍ଣପୁର, ଶାସକ ପ୍ରଶାସକ (ପ୍ରକାଶ କୁମାର ହାତୀ): ସୁବର୍ଣ୍ଣପୁର ଜିଲ୍ଲା ଡ଼ୁଙ୍ଗୁରିପାଲି ବ୍ଲକ ଗଜବନ୍ଧ ଉଚ୍ଚ ପ୍ରାଥମିକ ବିଦ୍ୟାଳୟ ରେ ଆତ୍ମସୁରକ୍ଷା ତାଲିମ କାର୍ଯ୍ୟକ୍ରମ ଉଦଘାଟିତ ହୋଇଯାଇଛି l ପ୍ରଧାନଶିକ୍ଷକ ହାରାଧନ ବେରିଆ ଙ୍କ ସଭାପତିତ୍ବ ରେ ଅନୁଷ୍ଠିତ କାର୍ଯ୍ୟକ୍ରମ କୁ ଗୋଷ୍ଠୀ ସହଶିକ୍ଷା ଅଧିକାରୀ ବଟକୃଷ୍ଣ ପାଢ଼ୀ ମୁଖ୍ୟ ଅତିଥିଭାବେ ଯୋଗଦେଇ ଆତ୍ମସୁରକ୍ଷା ର ଆବଶ୍ୟକତା ଓ ଉପାଦେୟତା ଉପରେ ଆଲୋକପାତ କରିଥିଲେ l ସମ୍ମାନିତ ଅତିଥିଭାବେ ସିଆରସିସି ନରେନ୍ଦ୍ରକୁମାର ପୁରୋହିତ, ପ୍ରଥମ ଓଡିଶା ସଂସ୍ଥା ର ସଂଯୋଜକ ସୁଧୀରକୁମାର ଦାଶ ଯୋଗଦେଇ ଛାତ୍ରୀମାନେ ଆତ୍ମବିଶ୍ୱାସ ସହିତ ତାଲିମ ଗ୍ରହଣ କରି ସମାଜ ରେ ଉଦାହରଣ ସୃଷ୍ଟି କରିବାକୁ ଆହ୍ୱାନ ଦେଇଥିଲେ l ଶିକ୍ଷକ ଦିବାକର ବଢ଼େଇ,ସଞ୍ଜୟ ଭୋଇ,ବିକାଶ ଭରାସାଗର,ଦିନେଶ ନାଏକ,ପ୍ରଶାନ୍ତଜ୍ୟୋତି ପ୍ରଧାନ, ଶାରୀରିକ ଶିକ୍ଷକ ଗୋବିନ୍ଦ ସାହୁ ସହଯୋଗ କରିଥିଲେ । ମୁଖ୍ୟ ତାଲିମଦାତା ବର୍ଷାରାଣୀ ମଲ୍ଲିକ ଓ ମାନସୀ ନାଗ ଛାତ୍ରୀମାନଙ୍କୁ ଆତ୍ମରକ୍ଷା ର ବିଭିନ୍ନ କୌଶଳ ଉପରେ ତାଲିମ ଦେଇଥିଲେ l ଶେଷରେ ଶିକ୍ଷୟିତ୍ରୀ ଲଳିତା ଭୁଏ ଧନ୍ୟବାଦ ଅର୍ପଣ କରିଥିଲେ l