ପଦ୍ମପୁର :- ସ୍ଥାନୀୟ ରାଜବୋଡାସମ୍ବର ଖେଳପଡିଆ ଠାରେ 29 ତମ ସର୍ବଭାରତୀୟ ବୋରାସମ୍ବର କ୍ରିକେଟ କପର ଷଷ୍ଠ ଦିବସର ଦ୍ଵିତୀୟ ଗ୍ରୁପର ଦ୍ଵିତୀୟ ମ୍ୟାଚରେ ଆଜି ବ୍ଲୁ ଡାଇମଣ୍ଡ ବରଗଡ ଓ ବାପୁଜୀ କ୍ରିକେଟ କ୍ଲବ ଭୁବନେଶ୍ୱର ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। ବାପୁଜୀ କ୍ରିକେଟ ଦଳ ଟସ ଜିଣି ବ୍ୟାଟିଂ କରି ନିର୍ଦ୍ଧାରିତ 17.1 ଓଭରରେ ସମସ୍ତେ ବିକେଟ ହରାଇ 102 ରନ ସଂଗ୍ରହ କରିଥିଲେ ଓ ଦଳ ପକ୍ଷରୁ ସିଦ୍ଧାନ୍ତ ଜେନା 20 ବଲ ରେ 41 ରନ କରିଥିଲେ l ବରଗଡ ପକ୍ଷରୁ ମନୋଜ କୁମାର 38 ରନ ଦେଇ 5 ଟି ବିକେଟ ନେଇଥିଲେ l ତାର ଜବାବରେ ବରଗଡ ଦଳ 20.1 ଓଭରରେ 4 ବିକେଟ ହରାଇ ଆବଶ୍ୟକ ରନ ସଂଗ୍ରହ କରି ବିଜୟୀ ହୋଇଥିଲେ , ବରଗଡ ଦଳ ପକ୍ଷରୁ ସତୀଶ ମିଞ୍ଜ 66 ବଳ ରେ 51ରନ ସଂଗ୍ରହ କରିଥିଲେ lଫଳରେ 6 ବିକେଟ ରେ ବରଗଡ ଦଳ ବିଜୟୀ ହୋଇଥିଲେ। ଆଜିର ମ୍ୟାଚର ପୁରସ୍କାର ବିତରଣୀ ଉତ୍ସବରେ ଅତିଥି ଭାବରେ ପଦ୍ମପୁର ବସ ମାଲିକ ସଙ୍ଘ ସମ୍ପାଦକ ସାମୁଏଲ ହୁସେନ ଓ ପଦ୍ମପୁର ସାଇକେଲ ଦୋକାନ ମାଲିକ ନରସିଂହ ଅଗ୍ରୱାଲ ଯୋଗଦାନ ଦେଇ ମେନ୍ ଅଫ ଦି ମ୍ୟାଚ ଭାବରେ ବରଗଡ ଦଳର ମନୋଜ କୁମାର କୁ ପୁରସ୍କୃତ କରିଥିଲେ । ଆଜିର ମ୍ୟାଚ କୁ ଅମ୍ପାୟାର ଚୂଡ଼ାମଣି ପାଢ଼ୀ ଏବଂ ବିଶ୍ୱମ୍ଭର ମହାକୁର ପରିଚାଳନା କରିଥିବା ବେଳେ ସ୍କୋରର ଅମରେଶ ବେହେରା, ରିଙ୍କୁ ବରିହା ଓ ରୋହିଣି ପାଣ୍ଡେ,କୁମାର ଆନନ୍ଦ, ବିକାଶ କୁମ୍ଭାର ପ୍ରମୁଖ ମ୍ୟାଚ ର ଧାରାବିବରଣୀ ପ୍ରଦାନ କରିଥିଲେ ।ଆସନ୍ତା କାଲି 'ବି' ପୁଲର ତୃତୀୟ ମ୍ୟାଚ ରାଜା୍ୱାରିଅର ରାଜମଣ୍ଡ୍ରି ଓ ରୟାଲ 11 ପାଟନା ମଧ୍ୟରେ ଅନୁଷ୍ଠିତ ହେବ l