ସୁବର୍ଣ୍ଣପୁର ୧୯/୧୨/୨୦୨୪ ଶାସକ ପ୍ରଶାସକ (ପ୍ରକାଶ ହାତୀ) ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ସରସ୍ଵତୀ ଶିଶୁ ଵିଦ୍ୟା ମନ୍ଦିର ଠାରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି।ଏହି ଉତ୍ସବ ରେ ମଞ୍ଚାସୀନ ହୋଇଥିଲେ ମୁଖ୍ୟ ଅତିଥି ଭାବେ ଡୁଙ୍ଗୁରିପାଲି ମହାବିଦ୍ୟାଳୟ ର ଅଧ୍ୟାପକ ଡ.ସରୋଜ କୁମର ଦାଶ, ଯୋଗ ଦେଇଥିବା ବେଳେ ସମ୍ମାନିତ ଅତିଥି ରୂପେ ଡାକ୍ତର ଶ୍ରୀଧର ବିଶ୍ଵାଳ, ଚକ୍ଷୁ ରୋଗ ବିଶେଷଜ୍ଞ ମୁଖ୍ୟ ବକ୍ତା ଭାବେ ବିନିକା ସିଦ୍ଧାର୍ଥ ମହାବିଦ୍ୟାଳୟ ର ଅଧ୍ୟକ୍ଷ ଡ.ଧୀରେନ୍ଦ୍ର କୁମାର ନାୟକ, ବିଦ୍ୟାଳୟ ର ଉପ ସଭପତି ଲକ୍ଷ୍ମୀଧର ମେହେର, , ପରିଚାଳନା ସମିତି,ସରସ୍ଵତୀ ଶିଶୁ ଵିଦ୍ୟା ମନ୍ଦିର , ସଂପାଦକ ତପନ ଯୁଆଡି, ପ୍ରଧାନ ଆଚାର୍ଯ୍ୟ ବିଭୂତି ଭୂଷଣ ପଣ୍ଡା ଥିଲେ। ଅତିଥି ପରିଚୟ ଓ ସ୍ବାଗତ ଭାଷଣ ସଂପାଦକ ତପନ ଜୁଆଡି ପ୍ରଦାନ କରିଥିଲେ। ବିଦ୍ୟାଳୟ ର କୃତି ଛାତ୍ର ଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିବା ବେଳେ ଶ୍ରୀମତୀ ନୀରବତୀ ବିଶ୍ଵାଳ ଓ ବିଦ୍ୟାଳୟ ର ପୂର୍ବତନ ଛାତ୍ର ତଥା ବର୍ତ୍ତମାନ ଡୁଙ୍ଗୁରିପାଲି ଡାକ୍ତରଖାନାରେ କାର୍ଯ୍ୟରତ ଡାକ୍ତର ଆକାଶ ସାହୁ ଙ୍କୁ ଉପଢୌକନ ପ୍ରଦାନ ପୂର୍ବକ ସମ୍ମାନିତ କରାଯାଇଥିଲା।ସହ ସଂପାଦକ ଦେବାଶିଷ ମହାପାତ୍ର ଧନ୍ୟବାଦ ଅର୍ପଣ କରିଥିଲେ ଓ ବନ୍ଦେମାତରମ୍ କରାଯାଇ ସଭା କାର୍ଯକ୍ରମ ର ପରିସମାପ୍ତି ହୋଇଥିଲା।ଏହାପରେ ବିଦ୍ୟାଳୟ ର ଶିଶୁ ବାଟିକା ଠାରୁ ଦଶମ ଶ୍ରେଣୀ ପର୍ଯ୍ୟନ୍ତ ଭାଇଭଉଣୀ ମାନଙ୍କ ଦ୍ଵାରା ରଙ୍ଗ ମଞ୍ଚୀୟ କାର୍ଯ୍ୟକ୍ରମ କରାଯାଇଥିଲା।ସମସ୍ତ ଗୁରୁଜୀ, ଗୁରୁମା ,ସେବକ ସେବିକା ଙ୍କ ସହଯୋଗରେ ବାର୍ଷିକ ଉତ୍ସବ ସଫଳ ହୋଇଥିଲା।