ବେଲଗୁଣ୍ଠା, -(ଶିବରାମ ଚୌଧୁରୀ )-, ବେଲଗୁଣ୍ଠା ସରସ୍ଵତୀ ଶିଶୁ ବିଦ୍ୟା ଭବନ ପରିସରରେ 108 କୁଣ୍ଡିୟ ବୈଦିକ ବିଶ୍ୱଶାନ୍ତି ମହାଯଜ୍ଞ ମହାସମାରୋହରେ ଅନୁଷ୍ଠିତ ହୋଇଯାଇଛି I ଗୁରୁକୂଳ ହରିପୁର ଜି.ନୂଆଁପଡାର ଯଶସ୍ୱୀ ସଞ୍ଚାଳକ ତଥା ବିଶିଷ୍ଟ ବୈଦିକ ବିଦ୍ୱାନ ଆଚାର୍ଯ୍ୟ ଡ.ସୁଦର୍ଶନ ଦେବଙ୍କ ପ୍ରତ୍ୟକ୍ଷ ନିର୍ଦ୍ଦେଶନାରେ ଅନୁଷ୍ଠିତ ଯଜ୍ଞକୁ ତନରଡା ଗୋରକ୍ଷାଶ୍ରମର ସଞ୍ଚାଳକ ଆଚାର୍ଯ୍ୟ ଶ୍ରୁତିପ୍ରିୟ ଶାସ୍ତ୍ରୀ ପରିଚାଳନା କରିଥିଲେ I ସୂର୍ଯ୍ୟ ନାରାୟଣ ପାତ୍ରଙ୍କ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ବିଶ୍ୱହିନ୍ଦୁ ପରିଷଦ ସଦସ୍ୟ ବଟକୃଷ୍ଣ ପଣ୍ଡା,ମୁରଲୀଧର ପଣ୍ଡା, ସମାଜସେବୀଶୂଳପାଣି ଶତପଥି, ଭି ଦେବୀ ପ୍ରସାଦ ପାତ୍ର ଏବଂ ବେଲଗୁଣ୍ଠା ପ୍ରେସକ୍ଲବ ସଦସ୍ୟମାନେ ଉପସ୍ଥିତ ଥିଲେ I 108 କର୍ତ୍ତା ଦମ୍ପତ୍ତି ହୋମରେ ବସିଥିବା ବେଳେ ଅନ୍ନଯଜ୍ଞ ଅନୁଷ୍ଠିତ ହୋଇଥିଲା I କାର୍ଯ୍ୟକ୍ରମରେ ସରସ୍ଵତୀ ଶିଶୁ ବିଦ୍ୟାଭବନର ସମସ୍ତ ଗୁରୁଜୀ ଗୁରୁମା ସହଯୋଗ କରିଥିଲେ I ଯଜ୍ଞ ଦେଖିବା ସହ ପ୍ରସାଦ ସେବନ କରିବା ପାଇଁ ଆଖପାଖ ଅଞ୍ଚଳରୁ ବହୁ ଜନ ସମାଗମ ହୋଇଥିଲା I