ନୟାଗଡ଼(ବିଶ୍ୱଜିତ ନାୟକ) :- ନୟାଗଡ଼ ସଦରବ୍ଲକ ଚମ୍ପତ୍ତିପୁର ଗ୍ରାମ ପଞ୍ଚାୟତ ସରପଞ୍ଚ ଅମର ପ୍ରସାଦ ସାଥୁଆଙ୍କ ବିରୁଦ୍ଧରେ ଅନାସ୍ଥା ପ୍ରସ୍ତାବ ଆଣିଛନ୍ତି ଉକ୍ତ ପଞ୍ଚାୟତର ୱାର୍ଡ଼ ସଭ୍ୟ ସଭ୍ୟା । ବିଜେପି ସମର୍ଥନରେ ବିଜୟୀ ହୋଇଥିବା ସରପଞ୍ଚ ଶ୍ରୀଯୁକ୍ତ ସାଥୁଆ ୩ ବର୍ଷ କାର୍ଯ୍ୟକାଳ ଭିତରେ କୈାଣସି ବିକାଶ ମୂଳକ କାର୍ଯ୍ୟ କରୁନଥିବା ଏବଂ ସାଧାରଣ ଲୋକଙ୍କୁ ମଦ୍ୟପାନ କରି ଅଶ୍ଲିଳ ଗାଳି ଗୁଲଜ କରୁଥିବା ଅଭିଯୋଗ ହୋଇଛି । ଏପରିକି ପଞ୍ଚାୟତ ବୈଠକରେ ମହିଳା ସଭ୍ୟାଙ୍କୁ ଅଶ୍ଲିଳ ଗାଳି କରୁଥିବା ନେଇ ସେମାନେ ଅଭିଯୋଗ ଆଣିଛନ୍ତି । ଏନେଇ ପଞ୍ଚାୟତ ୯ ଜଣ ସଭ୍ୟସଭ୍ୟା ବୈଠକ କରି ସରପଞ୍ଚଙ୍କ ବିରୁଦ୍ଧରେ ଅନାସ୍ଥା ପ୍ରସ୍ତାବ ଆଣିଥିବା ବେଳେ ଆଜି ଉପଜିଲ୍ଲାପାଳ କର୍ଣ୍ଣଦେବ ସମାଦାରଙ୍କୁ ଭେଟି ଏନେଇ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜଣାଇଛନ୍ତି ।