ମାଧ୍ୟମିକ ବିଦ୍ୟାଳୟ କ୍ରୀଡା ଶିକ୍ଷକ ମାନଙ୍କ ଅଷ୍ଟମ ପର୍ଯ୍ୟାୟ ତାଲିମ ଉଦଯାପିତ
ଭୁବନେଶ୍ୱର: କଳିଙ୍ଗ ଷ୍ଟାଡିୟମ , ଭୁବନେଶ୍ୱର ଠାରେ ମାଧ୍ୟମିକ ବିଦ୍ୟାଳୟ ତଥା ଓଡ଼ିଶା ଆଦର୍ଶ ବିଦ୍ୟାଳୟରେ କାର୍ଯ୍ୟରତ ଶାରୀରିକ ଶିକ୍ଷକ ମାନଙ୍କର ଦୁଇ ଦିନିଆ ରାଜ୍ୟସ୍ତରୀୟ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଯୋଗଦେଇ ବିଦ୍ୟାଳୟ ଓ ଗଣଶିକ୍ଷା ବିଭାଗର ଶାସନ ସଚିବ ଅଶ୍ୱଥି ଏସ. ମାଧ୍ୟମିକ ବିଦ୍ୟାଳୟରେ କ୍ରୀଡାଶିକ୍ଷକ ମାନଙ୍କ ଗୁରୁତ୍ୱ ପୂର୍ଣ୍ଣ ଭୂମିକା ଓ ନିଜ କର୍ମ ସ୍ଥଳରେ ଏହି ତାଲିମରେ ଦିଆଯାଇଥିବା ଜ୍ଞାନ କୌଶଳର ଉପଯୋଗ କରି ବିଦ୍ୟାଳୟକୁ କିପରି ଚଳ ଚଞ୍ଚଳ କରିବେ ଓ ପିଲାମାନଙ୍କ ପାଇଁ ବିଭନ୍ନ ଖେଳର ସୁଯୋଗ ସୃଷ୍ଟି କରିବେ ସେ ଦିଗରେ ଆହ୍ୱାନ ଦେଇଥିଲେ . ଛାତ୍ରଛାତ୍ରୀଙ୍କୁ ବିବିଧ ଜୀବନ କୌଶଳ ଶିକ୍ଷା ଉପରେ ସେ ଗୁରୁତ୍ୱ ଦେଇଥିଲେ ଓ ବିଦ୍ୟାଳୟରେ ଉପଲବ୍ଧ ଭିତ୍ତିଭୂମିର ସଦୁପଯୋଗ ପାଇଁ ଯୋଜନା ପ୍ରସ୍ତୁତ କରି ପିଲାମାନଙ୍କୁ ଉତ୍ସାହିତ କରିବା ପାଇଁ ପରାମର୍ଶ ଦେଇଥିଲେ
। 
ଓସେପାର ରାଜ୍ୟ ପ୍ରକଳ୍ପ ନିର୍ଦ୍ଦେଶକ ଶ୍ରୀ ଅନୁପମ ସାହା ଛାତ୍ରଛାତ୍ରୀମାନଙ୍କ ପାଇଁ ଆରମ୍ଭ ହୋଇ ଥିବା କ୍ରୀଡାଙ୍ଗନ କ୍ଲବରେ ଶାରୀରିକ ଶିକ୍ଷକ ମାନଙ୍କର ଗୁରୁତ୍ୱ ପୂର୍ଣ ଭୂମିକା ଉପରେ ଆଲୋକ ପାତ କରିଥିଲେ | 5ଟି ବିଦ୍ୟାଳୟ ରୁପାନ୍ତି କରଣ କାର୍ଯ୍ୟକ୍ରମରେ ବିଦ୍ୟାଳୟରେ ସୃଷ୍ଟି କରାଯାଇଥିବା ବହୁବିଧ ସୁବିଧାର ରକ୍ଷଣା ବେକ୍ଷଣ ଓ ସଫଳ ରୂପାୟନ ପାଇଁ ଶାରୀରିକ ଶିକ୍ଷକ ମାନେ ଯତ୍ନବାନ ହେବା ପାଇଁ ସେ ଆହ୍ୱାନ ଦେଇଥିଲେ।
ଏହି ତାଲିମ କାର୍ଯ୍ୟକ୍ରମରେ ସାତ ଗୋଟି ଜିଲ୍ଲାରୁ ମୋଟ 117 ଜଣ ପ୍ରଶିକ୍ଷାର୍ଥୀ ଅଂଶ ଗ୍ରହଣ କରିଥିଲେ | ଅଂଶ ଗ୍ରହଣକାରୀ ଶାରୀରିକ ଶିକ୍ଷକମାନେ ଦୁଇଦିନ ତାଲିମର ଉପାଦେୟ ଶିକ୍ଷଣ ଅନୁଭୂତି ବର୍ଣ୍ଣନା କରିବା ସହ ବିଦ୍ୟାଳୟକୁ ଫେରି ଯାଇ କି କି ପଦକ୍ଷେପ ନେବେ ସେ ବିଷୟରେ ନିଜର ଯୋଜନା ସମ୍ପର୍କରେ ମତ ରଖିଥିଲେ ଓ ଏହି ତାଲିମର ଅବଧିକୁ ବଢାଇବା ପାଇଁ ଅନୁରୋଧ କରିଥିଲେ।
ଏହି ଦୁଇଦିନିଆ ପ୍ରଶିକ୍ଷଣ ସମୟରେ କ୍ରୀଡ଼ା ତଥା ଯୁବସେବା ବିଭାଗର ବରିଷ୍ଠ , ଅଭିଜ୍ଞ ତଥା ଆନ୍ତର୍ଜାତୀୟ କ୍ଷାତି ସମ୍ପର୍ଣ୍ଣ ସାଧନ କର୍ମୀ ଯଥା ଗୃପ କ୍ୟାପଟେନ ଦିନେଶ ସୁରି, ଲେଫ୍ଟନାଣ୍ଟ କର୍ଣ୍ଣେଲ ଏ. ରାଜେଶ, କ୍ରୀଡ଼ା ଯୁବସେବା ବିଭାଗର ବରିଷ୍ଠ ଖେଳ ବିଜ୍ଞାନ ନିର୍ଦ୍ଦେଶକ ଡ. ସୌମିତ୍ର ମଣ୍ଡଳ , ପି. ଧର୍ମାରାଓ , ଡ. ଦିନେଶ ବେହେରା ' ମୋ ସ୍କୁଲ’ର ଓ.ଏସ.ଡି. କାବେରୀ ମୁଦୁଲି , ଯୁଧିଷ୍ଠିର ପାଣିଗ୍ରାହୀ ଓ ଯୋଗ ପ୍ରଶିକ୍ଷକ ଦୀପକ ଗିରି ପ୍ରମୁଖ ପ୍ରଶିକ୍ଷଣ ପ୍ରଦାନ କରିଥିଲେ।
ଏହି ପ୍ରଶିକ୍ଷଣ କାର୍ଯ୍ୟକ୍ରମକୁ ଓସେପାର ଯୁଗ୍ମ ନିର୍ଦ୍ଦେଶକ , ଶିକ୍ଷକ-ଶିକ୍ଷା ଡ. ସନାତନ ପଣ୍ଡା ପରଚାଳନା କରିଥିବା ବେଳେ ସହ ନିର୍ଦ୍ଦେଶକ ଶ୍ରୀ ଜିତେନ୍ଦ୍ର ନାୟକ ପରିଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ .
