ନୟାଗଡ଼ (ବିଶ୍ଵଜିତ ନାୟକ) - ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ମଧ୍ୟଖଣ୍ଡ ଅଞ୍ଚଳରେ ଦୀପାବଳୀ ଉତ୍ସବ ପାଳନ ଅବସରରେ ବାଣ ଫୁଟାଇବାକୁ ନେଇ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳର ସୂତ୍ରପାତ ହୋଇଥିଲା। କିଛି ସମୟ ମଧରେ ଗଣ୍ଡଗୋଳ ଏକ ଉଗ୍ରରୂପ ଧାରଣ କରିଥିଲା । ଏହି ଗଣ୍ଡଗୋଳ ବେଳେ ବିକାଶ ନାମକ ଏକ ଯୁବକ ଉପରେ ଛୁରା ମାଡ ହୋଇଥିଲା। ଆଗରୁ ନୟାଗଡ଼ ପୁଲିସ୍ ପାଇଁ ମୁଣ୍ଡ ବିନ୍ଧା ସୃଷ୍ଟି କରୁଥିବା ଦୁର୍ଦ୍ଦାନ୍ତ ଅପରାଧି ବିକାଶ ବେହେରା ଏହି ଯୁବକ ଜଣକ ।ଛୁରାମାଡ଼ ପରେ ବିକାଶକୁ ସଙ୍କଟ ଜନକ ଅବସ୍ଥାରେ ପ୍ରଥମେ ଦଶପଲ୍ଲା ଓ ପରେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା। ନୟାଗଡ଼ରେ ଡାକ୍ତର ବିକାଶକୁ ମୃତ୍ୟୁ ଘୋଷଣା କରିଛନ୍ତି। ଟାଉନଥାନା ପୁଲିସ ବିକାଶର ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ଏହି ଘଟଣାରେ ଦଶପଲ୍ଲା ପୁଲିସ ଦୁଇ ଜଣକୁ ଅଟକ ରଖିଥିବା ଜଣାପଡିଛି। ଦଶପଲ୍ଲା ଥାନା ଭିଏଲଡବ୍ଲୁ ଗୁଳିକାଣ୍ଡ ଏବଂ ଡାକ୍ତରଙ୍କଠାରୁ ଲୁଟ ଘଟଣାର ବିକାଶ ମୂଖ୍ୟ ଅଭିଯୁକ୍ତ ଥିଲା।