ଅଣ ସଂରକ୍ଷିତ ଆସନରୁ ପାଞ୍ଚ ଥର ବିଧାୟକ ହେବା ବିଜୟ ବାବୁଙ୍କ ଲୋକପ୍ରିୟତାର ପ୍ରମାଣ :- ସାଂସଦ ନିରଞ୍ଜନ ବିଶି

ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ର ଉପଖଣ୍ଡ ସ୍ତରୀୟ କାର୍ଯ୍ୟକାରିଣୀ ବୈଠକ

ବରଗଡ :- ଆଜି ନୃସିଂହନାଥ ମନ୍ଦିର ନିକଟସ୍ତ ବିନ୍ଧ୍ୟବାସିନୀ ଭବନ ଠାରେ ଜ଼ିଲ୍ଲା ଆଦିବାସୀ କଲ୍ୟାଣ ସଂଘ ର ଉପଖଣ୍ଡ ସ୍ତରୀୟ କାର୍ଯ୍ୟକାରିଣୀ ବୈଠକ ଉପ ଖଣ୍ଡ ସଭାପତି ରାଜେନ୍ଦ୍ର ରାଉତ ଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଯାଇଛି l ବୈଠକ ଆରମ୍ଭରୁ ପୂର୍ବତନ ବିଧାୟକ ସ୍ବର୍ଗତ ବିଜୟ ରଞ୍ଜନ ସିଂ ବରିହା ଙ୍କ ଫୋଟୋ ଚିତ୍ରରେ ଶ୍ରଦ୍ଧାଞ୍ଜଳି ଅର୍ପଣ କରିବା ପରେ ଆଦିବାସୀ ମାନେ ଦିବଂଗତ ନେତା ସ୍ବର୍ଗତ ସିଂ ବରିହା ଙ୍କ ସ୍ମୃତିଚାରଣ କରିଥିଲେ.ଓଡିଶା ରାଜ୍ୟରେ ଆଦିବାସୀ ସମ୍ପ୍ରଦାୟ ର ସଂସ୍କୃତି, ଶିକ୍ଷା, ସ୍ୱାସ୍ଥ୍ୟ, ସାମାଜିକ,ଅର୍ଥନୈତିକ,ବିକାଶ ପାଇଁ ଭୁତପୂର୍ବ ଆଦିବାସୀ ଉନ୍ନୟନ ମନ୍ତ୍ରୀ ସ୍ବର୍ଗତ ସିଂବରିହା ଙ୍କ ଅତୁଳନୀୟ ଅବଦାନ ବୋଲି ଆଦିବାସୀ ନେତା ମାନେ ପ୍ରକାଶ କରିଥିଲେ.ଓଡିଶା ର ୧ ନମ୍ବର ନିର୍ବାଚନ ମଣ୍ଡଳୀ ପଦ୍ମପୁର ଅଣ ସଂରକ୍ଷିତ ଥିବା ସତ୍ୱେ ଲୋକଙ୍କ ଭଲ ପାଇବା ଯୋଗୁଁ ଆଦିବାସୀ ନେତା ସ୍ବର୍ଗତ ସିଂବରିହା ୫ ଥର ବିଧାୟକ ହେବା ଓଡିଶା ଇତିହାସ ରେ ଐତିହାସିକ ଘଟଣା ବୋଲି ଆଦିବାସୀ ମାନେ ଗର୍ବ ଅନୁଭବ କରିଥିଲେ l ସ୍ବର୍ଗତ ବରିହା ଙ୍କ ବିୟୋଗରେ ସମଗ୍ର ଆଦିବାସୀ ସମାଜର ଲୋକ ବ୍ୟଥିତ ଏହା ଆଦିବାସୀ ଙ୍କ ପାଇଁ ଅପୂରଣୀୟ କ୍ଷତି ବୋଲି ଆଦିବାସୀ ମାନେ ଦୁଃଖ ପ୍ରକାଶ କରିଥିଲେ l ଆଦିବାସୀ ମାନଙ୍କ ବିକାଶ ପାଇଁ ସମସ୍ତ ଆଦିବାସୀ ଏକଜୁଟ ହୋଇ ରହିବାକୁ ଆଦିବାସୀ ନେତାମାନେ ଆହ୍ୱାନ କରିଥିଲେ.ବୈଠକରେ ମୁଖ୍ୟ ଅତିଥି ଭାବରେ ସାଂସଦ, ରାଜ୍ୟସଭା ନିରଞ୍ଜନ ବିଶି, ସ୍ୱତନ୍ତ୍ର ଅତିଥି ଭାବରେ ପୂର୍ବତନ ପଦ୍ମପୁର ବିଧାୟକ ଙ୍କ ପୁଅ ଭୋଜରାଜ ସିଂ ବରିହା,ସର୍ବଭାରତୀୟ ବିନ୍ଧ୍ୟ ବାସିନୀ ସ୍ୱlଲାଖ ବିଂଝାଲ ସମାଜ ଲାଟ ସଭାପତି ହୃଷିକେଶ ବରିହା,ନନ୍ଦଲାଲ ବରିହା,ଆଶାରାମ ବରିହା,ରାଧେଶ୍ୟାମ ବରିହା,ଶବର ସମାଜ ସଭାପତି ତଥା ଅବସରପ୍ରାପ୍ତ ଓଡିଶା ପ୍ରଶାସନିକ ଅଧିକାରୀ ରାଜେନ୍ଦ୍ର କୁମାର ରାଉତ, ଭଜରlମ ରାଉତ,ନନ୍ଦଲାଲ ଭୋଇ,ସୁରେନ୍ଦ୍ର ନାଏକ,ଯୁଗଳ କିଶୋର ଭୋଇ,କନ୍ଧ ସମାଜ ର ସଭାପତି ରାଧେ ସାଆନ୍ତ,ଗିରି ସାଆନ୍ତ,ଗଣ୍ଡ ସମାଜ ସଭାପତି ଭଗବତିଆ ସିଙ୍ଗଦାଓ,ସହଦେଵ ଧରୁଆ,ଚୈତୁ ସିଂ ଦାଓ,ବେଣୁ ଭୋଇ ପ୍ରମୁଖ ସହିତ ସମସ୍ତ ପଞ୍ଚାୟତ ସ୍ତରୀୟ ଆଦିବାସୀ ନେତା ଉପସ୍ଥିତ ଥିଲେ l
ଆଦିବାସୀ ସମାଜର ବୈଠକ ପରେ ଲକ୍ଷେ ଘର ଗଣ୍ଡ ସମାଜର ଏକ ବୈଠକ ରେ ସାଂସଦ ଶ୍ରୀ ବିଶି ଯୋଗଦାନ କରି ଗଣ୍ଡା ସମାଜର ସାମୁହିକ ବିକାଶ ପାଇଁ ସହଯୋଗ କରିବାକୁ ପ୍ରତିଶୃତି ଦେଇଥିଲେ l ଗଣ୍ଡା ସମାଜ ର ଭବନ ପାଇଁ ଆର୍ଥିକ ସାହାଯ୍ୟ ପ୍ରଦାନ ପାଇଁ ସାଂସଦ ଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଥିଲା.ଉକ୍ତ କାର୍ଯ୍ୟକ୍ରମ ରେ ଗଣ୍ଡା ସମାଜ ର ନେତା ଦଶରଥ ଚାନ୍ଦ, ରାଜୁ ମହାନନ୍ଦ,ରାମରାତନ ତାଣ୍ଡି,କ୍ଷେତ୍ରୀ ମୋହନ ଲୋହାର ପ୍ରମୁଖ ଉପସ୍ଥିତ ଥିଲେ l