ଭଦ୍ରକ, ସୀତାକାନ୍ତ ପାଢ଼ୀ: ଅବକାରୀ ଅଧିକ୍ଷକ ଶ୍ରୀ ପ୍ରଦୀପ୍ତ କୁମାର ଦାସଙ୍କ ନିର୍ଦ୍ଦେଶକ୍ରମେ ଜିଲ୍ଲା ଭ୍ରାମ୍ୟମାଣ ସ୍କ୍ୱାର୍ଡ ନିରୀକ୍ଷକ ଶ୍ରୀମତୀ ସୁଶ୍ରୀ ସଂଗୀତା ମହାନ୍ତିଙ୍କ ନେତୃତ୍ୱରେ ଏସ୍‌.ଆଇ ବ୍ରଜମୋହନ ମଲ୍ଲିକ ଓ ଷ୍ଟାଫମାନଙ୍କୁ ନେଇ ଗଠିତ ଏକ ସ୍ୱତନ୍ତ୍ର ଟିମ ଦ୍ୱାରା ଧାମନଗର ଥାନା ଅନ୍ତର୍ଗତ ବାରିକପୁର ବଜାର ଅଞ୍ଚଳରେ ପେଟ୍ରୋଲିଙ୍ଗ କରୁଥିବା ସମୟରେ ବାଲେଶ୍ୱର ଆଡ଼ୁ ଆସୁଥିବା ଗୋଟିଏ ମହିନ୍ଦ୍ରା ବୋଲେରୋ (ଓଆର-୦୨ବିଭି-୫୦୯୦) ମଧ୍ୟରୁ ୧୨୦୦ ଲିଟର ଦେଶୀ ମଦ ଜବତ କରିବା ସହିତ ଜଣଙ୍କୁ ଗିରଫ କରାଯାଇଛି l ଗିରଫ ଅଭିଯୁକ୍ତ ହେଲେ ସିମୁଳିଆ ଥାନା ଅନ୍ତର୍ଗତ ବାଲିଖଣ୍ଡ ଗ୍ରାମର ଅମରେନ୍ଦ୍ର ଖିଲ୍ଲାର l ଜବତ ମଦ ଓ ଗାଡ଼ିର ଆନୁମାନିକ ମୂଲ୍ୟ ୦୫ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ଅବକାରୀ ବିଭାଗ ସୂଚନା ଦେଇଛି । ଉକ୍ତ ଚଢାଉରେ ଧାମନଗର ଅବକାରୀ ଥାନା ଭାରପ୍ରାପ୍ତ ଅଧିକାରୀ ଶ୍ରୀ ପ୍ରହଲ୍ଲାଦ ସାମଲ , ଏ.ଏସ୍‌.ଆଇ ଦୀପକ ରାଉତ ଓ ନନ୍ଦୁ ନାୟକ, କନେଷ୍ଟବଳ ସୁବାଶିଷ ରାଉତ, ପରେଶ ଟୁଡୁ, ମିଥୁନ ଜେନା, ଶିବପ୍ରସାଦ ସାହୁ ସନ୍ଧ୍ୟାରାଣୀ ସେନାପତି, ରଶ୍ମିରେଖା ଜେନା ପ୍ରଭୃତି ସାମିଲ ଥିଲେ ।