ରାଉରକେଲା /ସାରନଗରୀ (ବସନ୍ତ କୁମାର ଜେନା): ଛାତ୍ରଛାତ୍ରୀଙ୍କ ମାନସିକ,ଶାରୀରିକ ଓ ବୌଦ୍ଧିକ ବିକାଶ ନିମନ୍ତେ କୈଶୋର ସମୟ ହିଁ ପ୍ରକୃଷ୍ଟ ସମୟ । ଏହାର ବିକାଶ ପାଇଁ ୍ନ ବିଭିନ୍ନ ସ୍ଥାନରେ ଶିଶୁ ମହୋତ୍ସବ ସୁରଭି କାର୍ଯ୍ୟକ୍ରମ ପାଳନ ହେଉଛି । ନବକୃଷ୍ଟନଗରସ୍ଥିତ ସୋନାପର୍ବତ ସରକାରୀ ଉଚ୍ଚ ବିଦ୍ୟାଳୟରେ ଶିଶୁ ମହୋତ୍ସବ ‘ସୁରଭି ୨୦୨୨’ପାଳିତ ହୋଇଯାଇଛି । ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ବିଦ୍ୟା ଷ୍ଟଡ଼ି ପଏଂଟର ନିର୍ଦ୍ଦେଶକ ସରୋଜ ବେହେରା ଯୋଗ ଦେଇ ପ୍ରଦୀପ ପ୍ରଜ୍ୱଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଶିଶୁ ହେଉଛନ୍ତି ଦେଶର ଭବିଷ୍ୟତ । ପ୍ରତିଟି ପିଲା ଭିତରେ ସୃଜନଶୀଳତା ଭରି ରହିଛି । ସୃଜନାତ୍ମକ ଗୁଣକୁ ଆବିଷ୍କାର କରି ପିଲାଟିର ପ୍ରତିଭାର ବିକାଶ ଦିଗରେ ସହାୟକ ହେବାକୁ ଆହ୍ୱାନ ଦିଆଯାଇଥିଲ।। ସୋନାପର୍ବତ କ୍ଲଷ୍ଟର ସିଆରସିସି ସତ୍ୟାନନ୍ଦ ପରିଡ଼ା,ଆରଭି କ୍ଲଷ୍ଟର ସିଆରସିସି ମନୋଜ କୁମାର ମିଶ୍ର,ଗାନ୍ଧି ମହାବିଦ୍ୟାଳୟର ଅଧ୍ୟାପକ ଶତ୍ରୁଘ୍ନ କିସାନ ମଂଚାସୀନ ଥିଲେ । ଉତ୍କଳମଣୀ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଦେବେନ୍ଦ୍ର ସାହୁ ମଂଚ ସଂଯୋଜନା କରିଥିଲେ । ଉକ୍ତ କାର୍ଯ୍ୟକ୍ରମରେ ବିତର୍କ,ଗୀତ, ନାଚ,ପ୍ରବନ୍ଧ,ଡ଼୍ରଇଁ,ବକୃତା,ସୃଜନଶୀଳନ ଲିଖନ,ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲ।। ୯ଟି ବିଦ୍ୟାଳୟର ଛାତ୍ରଛାତ୍ରୀ ବିଭିନ୍ନ ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ । ପୁରସ୍କାର ବିତରଣ ଉତ୍ସବରେ ଅତିଥି ଭାବେ ନୂଆଗାଁ ବିଦ୍ୟାଳୟର ଅବସରପ୍ରାପ୍ତ ପ୍ରଧାନଶିକ୍ଷକ ସତ୍ୟାନନ୍ଦ ଦାଶ,ତରକେରା ୟୁପି ସ୍କୁଲର ଅବସରପ୍ରାପ୍ତ ପ୍ରଧାନଶିକ୍ଷକ ଅନନ୍ତ ଚରଣ ନାୟକ ଉପସ୍ଥିତ ରହି କୃତି ପ୍ରତିଯୋଗୀମାନଙ୍କୁ ପୁରସ୍କାର ବିତରଣ କରିଥିଲେ ।
ଶେଷରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲ।। କାର୍ଯ୍ୟକ୍ରମ ଶେଷରେ ସୋନାପର୍ବତ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ କର୍ପୁରମ ରଥ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ଶ୍ରୀ ଗାନ୍ଧି ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଦିବାକର ଜେନା,ବିର୍ସାମୁଣ୍ଡା ବାଳିକା ଉଚ୍ଚ ବିଦ୍ୟାଳୟର ପୁଷ୍ପିତା ନାୟକ,ଟାଙ୍ଗରପାଲୀ ୟୁପି ସ୍କୁଲର ପ୍ରଧାନଶିକ୍ଷକ ସୁବାଷ ଚନ୍ଦ୍ର ଜ୍ୟୋତିଷି,ବରିଷ୍ଠ ଶିକ୍ଷକ ବିପିନ ବିହାରୀ ସିହ୍ନା,ବଳରାମ ଦାଶ ସମେତ ବିଭିନ୍ନ ବିଦ୍ୟାଳୟରୁ ଶିକ୍ଷକ,ଶିକ୍ଷୟିତ୍ରୀ ମାନେ ଉପସ୍ଥିତ ରହି ସହଯୋଗ କରିଥିଲେ ।
