ଜଗତସିଂହପୁର/ସୁମନ୍ତ କୁମାର ଦାସ: ଜଗତସିଂହପୁର ଜିଲ୍ଲାର ପ୍ରଶାସନ ଓର୍ମାଶ ମିଳିତ ଆନୁକୂଲ୍ୟରେ ମ୍ୟୁନିସିପାଲିଟି ଅଫିସ ସମ୍ମୁଖରେ ଏକ ନିଆରା ହାତ ତିଆରି ମାଟିଦୀପର ଷ୍ଟାଲକୁ ଜିଲ୍ଲାପାଳ ଶ୍ରୀମତୀ ପାରୁଲ ପଟ୍ଟୱାରୀଙ୍କ ଦ୍ୱାରା ଉଦ୍ଘାଟିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ଯୋଗଦେଇ ଜିଲ୍ଲାପାଳ ଉକ୍ତ ଷ୍ଟାଲଟି ଦୀପ ପ୍ରସ୍ତୁତ କରୁଥିବା ଉତ୍ପାଦକଗୋଷ୍ଠୀମାନଙ୍କୁ ପ୍ରଶଂସା କରିବା ସହିତ ଗ୍ରାମୀଣ ମା ’ମାନଙ୍କ ଦ୍ୱାରା ଏପରି ନିଆରା ସାମଗ୍ରୀ ପ୍ରସ୍ତୁତ କରିବା ପାଇଁ ଉତ୍ସାହିତ କରି ଥିଲେ l ଅନ୍ୟତମ ଅତିଥି ମୁଖ୍ୟ ଉନ୍ନୟନ ଅଧିକାରୀ, ଜିଲ୍ଲା ପରିଷଦ ଶ୍ରୀ ରୁଦ୍ରନାରାୟଣ ଦାଶ ଯୋଗଦେଇ ଓରମାସର ଏହି କାର୍ଯ୍ୟକ୍ରମକୁ ଆହୁରି ବ୍ୟାପକ କରିବା ସହିତ ପ୍ରସ୍ତୁତ ସାମଗ୍ରୀଗୁଡିକର ସଠିକ ବଜର ସୃଷ୍ଟି କରିବା ପାଇଁ ପରାମର୍ଶ ଦେଇଥିଲେ l ଉକ୍ତ ଷ୍ଟାଲଟିକୁ କୁଜଙ୍ଗ ବ୍ଲକର ୨ଟି ଉତ୍ପାଦକ ଗୋଷ୍ଠୀ ଯଥା : (୧) ଜୀବନଜ୍ୟୋତି ତେରାକେଟା ଉତ୍ପାଦକ ଗୋଷ୍ଠୀ, (୨) ମା ଅନ୍ନପୂର୍ଣ୍ଣା ଉତ୍ପାଦକ ଗୋଷ୍ଠୀ ବିଭିନ୍ନ ପ୍ରକାର ଦୀପ ସହିତ ମାଟିର ବିଭିନ୍ନ କାରୁକାର୍ଯ୍ୟ ପୂର୍ଣ୍ଣ ସାମଗ୍ରୀ ଉକ୍ତ ଷ୍ଟାଲରେ ସ୍ଥାପିତ କରାଯାଇଛି l ଯାହାକି ୨୦.୧୦.୨୦୨୨ କୁ ୨୫.୧୦.୨୦୨୨ପର୍ଯ୍ୟନ୍ତ ଲୋକମାନଙ୍କ ପାଇଁ ଖୋଲା ରହିବ l ଏହି କାର୍ଯ୍ୟକ୍ରମେ ନିର୍ବାହୀ ଅଧିକାରୀ, ଜଗତସିଂହପୁର ମ୍ୟୁନିସିପାଲିଟି, DIPRO, DPM-OCM, DPC,ମିଶନଶକ୍ତି, ଯୋଗ ଦେଇଥିବାବେଳେ ମୁଖ୍ୟ କାର୍ଯ୍ୟନିର୍ବାହୀ ଓରମାସ ଶ୍ରୀ ସତ୍ୟସୁନ୍ଦର ଶିବ ପ୍ରମୁଖ ଯୋଗଦେଇଥିଲେ l