ଜଗତସିଂହପୁର/ସୁମନ୍ତ କୁମାର ଦାସ: ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକ ପରିସରରେ ଓଡିଶା ଜୀବିକା ମିଶନ ସଂଯୋଜନା ରେ ଦିନ୍ ଦୟାଲ ଉପାଧ୍ୟାୟ - ଗ୍ରାମୀଣ କୌଶଳ ଯୋଜନା ଅଧୀନରେ ଏକ ପ୍ରଶିକ୍ଷଣ ତଥା ନିଯୁକ୍ତି କର୍ମଶାଳା ଆୟୋଜନ ହୋଇଯାଇଅଛି | ଏହି ମେଳା ରେ ମୋଟ ୨୫୦ ଜଣ ରୁ ଉର୍ଦ୍ଧ ଯୁବକ ଯୁବତୀ ଭାଗ ନେଇଥିବା ବେଳେ ଏହି କାର୍ଯ୍ୟକ୍ରମ କୁ ତିର୍ତ୍ତୋଲ ବ୍ଲକ ଅଧକ୍ଷ ମନୋଜ ବେହେରା ଉଦଘାଟନ କରିଥିଲେ | ମିଶନ ଶକ୍ତି ର ବ୍ଲକ ସଂଯୋଜିକା ଲିପିକା ଷଡଙ୍ଗୀ ସଭା ପରିଚାଳନା କରିଥିଲେ | ବ୍ଲକ ଅଧ୍ୟକ୍ଷ ମନୋଜ ବେହେରା ଙ୍କ ସହିତ ବ୍ଲକ ଉପାଧ୍ୟକ୍ଷା ସଂଧ୍ୟାରାଣି ମହାନ୍ତି, ବିଡିଓ ଅଟଳ ବିହାରୀ ସ୍ୱାଇଁ, ଏବିଡିଓ ସତ୍ୟଜିତ ସ୍ବାଇଁ, ଦିନ୍ ଦୟାଲ ସ୍କିଲ ର ଜିଲ୍ଲା ସଂଯୋଜକ ପବିତ୍ର ସ୍ୱାଇଁ,ଓରମାସର ଜିଲ୍ଲା କାର୍ଯ୍ୟନିର୍ବାହୀ ସହାୟକ ପ୍ରଭାତ କୁମାର ଦାସ ପ୍ରମୁଖ ଉପସ୍ଥିତ ହୋଇ ଯୁବକ ଯୁବତୀ ମାନଙ୍କୁ ଶିବିର ର ଉଦ୍ଦେଶ୍ୟ ବିଷୟରେ ବକ୍ତବ୍ୟ ପ୍ରଦାନ କରିଥିଲେ । ଶିବିରରେ କଟକ ଏବଂ ଭୁବନେଶ୍ୱର ରୁ ୪ ଟି ଷ୍ଟଲ ଭାଗ ନେଇଥିବାବେଳେ ପ୍ରାୟ ପଚାଶରୁ ଉର୍ଦ୍ଧ୍ବ ଯୁବକ ଯୁବତୀ ପ୍ରଶିକ୍ଷଣ ପାଇଁ ନିଜର ନାମ ପଞ୍ଜୀକରଣ କରାଇଥିଲେ।