ଭୁବନେଶ୍ବର: ରୋଟାରୀ କ୍ଲବ ମିଡୋଜର ଅଷ୍ଟମ ଅଧିଷ୍ଠାନ ଦିବସ ଗତ ଶୁକ୍ରବାର ଦିନ ହୋଟେଲ୍ ଏକସେଲେନସି ଠାରେ ଅନୁଷ୍ଠିତ ହୋଇଯାଇଛି। ଭୁବନେଶ୍ବର ମହାନଗର ନିଗମର ମେୟର ଶ୍ରୀମତୀ ସୁଲୋଚନା ଦାସ ମୁଖ୍ୟ ଅତିଥିଭାବେ ଯୋଗଦେଇ ନୂତନ ଭାବେ ଦାୟିତ୍ଵ ଗ୍ରହଣ କରିଥିବା ସଭାପତି ରୋଟାରିଆନ ଶାନ୍ତନୁ ମହାପାତ୍ର ଓ ସମ୍ପାଦକ ରୋଟାରିଆନ ବିକାଶ ଗରାବଡୁ ଙ୍କୁ ଶୁଭେଚ୍ଛା ଜଣାଇଥିଲେ ତତସହିତ ରୋଟାରୀ କ୍ଲବର ସାମାଜିକ କାର୍ଯ୍ୟ ଉପରେ ଆଲୋକପାତ କରିଥିଲେ। ଏହି ଅବସରରେ କ୍ଲବ ର ଉପଦେଷ୍ଟା ଓ ପୂର୍ବତନ ଗଭର୍ଣ୍ଣର ରୋଟାରିଆନ ଅଶ୍ବିନୀ କର ମିଡୋଜ କ୍ଲବ ର ଅତୀତ ଓ ଭବିଷ୍ୟତ କାର୍ଯ୍ୟପନ୍ଥା ଓ ସାମାଜିକ ଦାୟିତ୍ଵ ବିଷୟ ରେ ସମସ୍ତ ଙ୍କୁ ଅବଗତ କରାଇଥିଲେ। ନୂତନ ଭାବରେ ଯୋଗଦାନ କରି ଥିବା ଦୁଇ ଯୁବ ରୋଟାରିଆନ ଶ୍ରୀ ଆଦିତ୍ୟ ପ୍ରସାଦ ପାଢି ଓ ସୂରଜ ରାଜ ଙ୍କୁ ଅନୁଷ୍ଠାନିକ ଭାବରେ କ୍ଲବ କୁ ସ୍ଵାଗତ କରାଯାଇଥିଲା। ଗତ ରୋଟାରୀ ବର୍ଷ ର ସଭାପତି ରୋଟାରିଆନ ସନ୍ତୋଷ ସେନାପତି ତାଙ୍କ ସମୟରେ ହୋଈଥିବା ସାମାଜିକ କାର୍ଯ୍ୟ କୁ ଉପସ୍ଥାପନା କରିବା ସହିତ କ୍ଲବ ର ସବୁ ସଭ୍ଯ ମାନଙ୍କୁ କୃତଜ୍ଞତା ଜ୍ଞାପନ କରିଥିଲେ।
ସମ୍ପାଦକ ରୋଟାରିଆନ ବିକାଶ ଗରାବଡୁଙ୍କ ଦ୍ଵାରା ଏକ ୱାଟର Purifier ବରମୁଣ୍ଡା ସ୍ଥିତ ଏକ ବୃଦ୍ଧାଶ୍ରମ ର ମୁଖ୍ୟ ଶ୍ରୀ ସାଗର ପ୍ରଧାନ ଙ୍କୁ ପ୍ରଦାନ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ମିଡୋଜର ସମସ୍ତ ସଭ୍ଯ ମାନଙ୍କ ସହିତ ଡିଷ୍ଟ୍ରିକ୍ଟ ଜୋନାଲ ଚେୟାର ରୋଟାରିଆନ ରମେଶ ସାହୁ, ଡିଷ୍ଟ୍ରିକ୍ଟ ପବ୍ଲିକ ଇମେଜ ଚେୟାର ରୋଟାରିଆନ ରବି ସାହୁ, ଡିଷ୍ଟ୍ରିକ୍ଟ ସେକ୍ରେଟାରୀ ପି ବିଜୟ କୁମାର ଓ ଅନ୍ୟ ରୋଟାରୀ କ୍ଲବର ବହୁ ରୋଟାରିଆନ ବ୍ୟକ୍ତି ବିଶେଷ ଉପସ୍ଥିତ ଥିଲେ। ଏହି ସଭାରେ ଯୁବ ଶୀଳ୍ପି ପ୍ରିୟଙ୍କା ସାହାଣୀ ଙ୍କୁ ସମ୍ବର୍ଦ୍ଧିତ କରାଯାଇଥିଲା। କାର୍ଯ୍ୟକ୍ରମ କୁ ରୋଟାରିଆନ ଡଃ ଇଶା ମିଶ୍ର ସୂଚାରୁ ରୂପରେ ସମ୍ପାଦନ କରିଥିବା ବେଳେ ମନୋନୀତ ସଭାପତି ରୋଟାରିଆନ ଗୋପାଳ ଅଗ୍ରୱାଲ ଧନ୍ୟବାଦ ଜ୍ଞାପନ କରିଥିଲେ।
