ମାର୍ଶାଘାଇ (ଶାସକ ପ୍ରଶାସକ) : ବିଜୁ ଜନତା ଦଳ  ଟିକେଟରେ କେନ୍ଦ୍ରାପଡା ଲୋକସଭା ଆସନରୁ ବିଜୟୀ ହୋଇଥିବା ଅଭିନେତା ସାଂସଦ ଅନୁଭବ ମହାନ୍ତି ପାରିବାରିକ ଜୀବନକୁ ନେଇ ବିବାଦୀୟ ହୋଇପଡ଼ିଥିବା ବେଳେ ସୋସିଆଲ ମିଡିଆରେ ତାଙ୍କର କାର୍ଯ୍ୟକଳାପ ନିର୍ବାଚନମଣ୍ଡଳୀର ସମର୍ଥକ ଓ କର୍ମୀଙ୍କୁ ବ୍ୟଥିତ କରିଛି | ଅପରପକ୍ଷରେ ଗତ କିଛିଦିନ ଧରି କେନ୍ଦ୍ରରେ ବିଜେପି ନେତାଙ୍କ ସହ ତାଙ୍କର ଫୋଟୋ ସେସନ ଆଉ ସାକ୍ଷାତକୁ ନେଇ ସାମାଜିକ ଗଣମାଧ୍ୟମ ଓ ଗଣମାଧ୍ୟମରେ ଚର୍ଚା ଜୋର ଧରିଛି | ସାଧାରଣ କର୍ମୀ ଓ ସମର୍ଥକ ହଜମ କରିପାରୁନାହାନ୍ତି | ସାଂସଦଙ୍କ ଏଭଳି ମତିଗତି ପରିପ୍ରେକ୍ଷୀରେ ଦଳୀୟ ସମର୍ଥକ ମାନେ ଧୀରେ ଧୀରେ ତାଙ୍କଠାରୁ ଦୁରେଇ ଯାଉଥିବା ଦେଖିବାକୁ ମିଳିଛି | ଆଜି ସାଂସଦଙ୍କ ମାର୍ଶାଘାଇ ବ୍ଲକ ପ୍ରତିନିଧି ସାଂସଦଙ୍କ ହାତ ଛାଡିଛନ୍ତି |  ସାଂସଦଙ୍କ ମାର୍ଶାଘାଇ ବ୍ଲକ ପ୍ରତିନିଧି ଶିବାନିକାନ୍ତ ଦାସ ଆଜି ସାଂସଦଙ୍କ ପ୍ରତିନିଧି ପଦରୁ ବିଧିବଦ୍ଧ ଭାବେ ଇସ୍ତଫା ଦେଇଛନ୍ତି | କେନ୍ଦ୍ରାପଡା ସାଂସଦ ବାରମ୍ବାର ବିଜେପି ନେତାଙ୍କ ସହ ଫୋଟୋ ଛାଡୁଥିବାରୁ ତାହା ତାଙ୍କ ଭଳି ବିଜୁ ବାବୁ ଓ ନବୀନ ବାବୁଙ୍କ ଆଦର୍ଶରେ କାର୍ଯ୍ୟକରୁଥିବା ଜଣେ କର୍ମୀଙ୍କୁ ମର୍ମାହତ କରିଛି |  ବିଜେପି ନେତାଙ୍କ ସହ ଫୋଟୋ ସେସନକୁ ନାପସନ୍ଦ ଓ ନିନ୍ଦାବାଦ କରିବା ସହ ସାଂସଦଙ୍କ ମାର୍ଶାଘାଇ ପ୍ରତିନିଧି ପଦରୁ ଆଜି ଇସ୍ତଫା ଦେଉଛି ବୋଲି ସାମାଜିକ ଗଣମାଧ୍ୟମରେ ପୋଷ୍ଟ କରିବା ସହ ଆମ ପ୍ରତିନିଧିଙ୍କୁ ସୂଚନା ଦେଇଛନ୍ତି |