ଜଗତସିଂହପୁର,/ସୁମନ୍ତ କୁମାର ଦାସ: ତିର୍ତ୍ତୋଲ ତହସିଲ ଅଧୀନ ଗୋପାଳପୁର (ଶଙ୍ଖେଶ୍ୱର) ବେହେଡ଼ପୁର ଗ୍ରାମର ଗୁରୁଚରଣ ପଟ୍ଟନାୟକ ଙ୍କ ଘର ନିକଟରେ ଇଟାଭାଟି ଓ ଗୋରୁଗାଇଙ୍କ ମଳମୂତ୍ର ଟାଙ୍କି ହୋଇଥିବା କାରଣରୁ ବିଭିନ୍ନ ରୋଗ ଜନିତ ସମସ୍ୟା ଉପୁଜୁଥିବାରୁ ଅଭିଯୋଗ କରିଛନ୍ତି l ଅଭିଯୋଗ ମୁତାବକ ସେହି ଗ୍ରାମର ମହେଶ୍ୱର ମହାନ୍ତି ଗୁରୁ ଚରଣ ଙ୍କ ଘର ନିକଟରୁ ମାତ୍ର କେଇ ମିଟର ଦୂରରେ ଦୀର୍ଘ ବର୍ଷ ଧରି ଇଟା ଭାଟି ପକାଇ ଆସୁଛନ୍ତି l ଏ ସମ୍ପର୍କରେ ତିର୍ତ୍ତୋଲ ତହସିଲଦାର ଙ୍କୁ ବାରମ୍ବାର ଅଭିଯୋଗ ସତ୍ୱେ କୌଣସି ସୁଫଳ କାର୍ଯ୍ୟାନୁଷ୍ଠାନ ହେଉନାହିଁ l ତହସିଲ ପ୍ରଶାସନ ସେହି ବ୍ୟକ୍ତିଙ୍କ ଠାରୁ ମୋଟା ଅଙ୍କର ଉତ୍କୋଚ ନେଇ ଘଣ୍ଟ ଘୋଡାଉଥିବା ଅଭିଯୋଗ କରିଛନ୍ତି l ଏହା ସହିତ ଘର ନିକଟରେ ୩୫ ରୁ ଉର୍ଦ୍ଧ ଗୋରୁ ଗାଇ, ଛେଳି ଓ କୁକୁଡ଼ାଙ୍କ ମଳ ମୂତ୍ର ଟାଙ୍କି ୨୦ ରୁ ୩୦ ଫୁଟ ର ଖୋଲା ଗାଡ଼ିଆ ଭଳି ନିର୍ମାଣ କରି ମଳ ମୂତ୍ର ପକାଇବା ଯୋଗୁଁ ଆମ୍ଭ ପରିବାର ବିଭିନ୍ନ ରୋଗ ସହିତ ବହୁ ସମସ୍ୟାର ସମୁଖୀନ ହେଉଛନ୍ତି l ଦୁର୍ଗନ୍ଧ ମୟ ପରିବେଶରେ ନାନା ପ୍ରକାର ରୋଗ ଯନ୍ତ୍ରଣା ର ଶିକାର ହେଉଛନ୍ତି l ଏଥି ପ୍ରତି ତହସିଲ ପ୍ରଶାସନ ତଦନ୍ତ କରି ଦୃଢ଼ କାର୍ଯ୍ୟାନୁଷ୍ଠାନ ନେବାପାଇଁ ନିବେଦନ କରିଛନ୍ତି l