ଆସନ୍ତା କାଲି ଏଗାରଟା ପଇଁଚାଲିସ ମିନିଟରେ ନୂତନ ମନ୍ତ୍ରୀଙ୍କ ଶପଥ !

ଭୁବନେଶ୍ୱର :- ମାଷ୍ଟର ଷ୍ଟ୍ରୋକ ଖେଳି ସମସ୍ତଙ୍କୁ ଚକିତ କରିବାରେ ନବୀନ ପଟ୍ଟନାୟକ ମାହୀର ଏଥିରେ ସନ୍ଦେହ ନାହିଁ , ସେ କେତେବେଳେ କଣ କରନ୍ତି କ୍ଷଣିକ ପୂର୍ବରୁ ଅନୁମାନ କରିବା ଅତ୍ୟନ୍ତ କଷ୍ଟକର । ରାଜନୀତିକୁ ବୁଝୁଥିବା ଲୋକଙ୍କ ମଧ୍ୟରେ ଅନେକ ଦିନରୁ ଚର୍ଚ୍ଚା ଚାଲିଥିଲା ଓଡିଶା ମନ୍ତ୍ରୀ ମଣ୍ଡଳ ଅଦଳବଦଳ ହେବାକୁ ନେଇ |  ସମସ୍ତେ ଜାଣିଥିଲେ ଯେ କିଛି ମନ୍ତ୍ରୀ ଯିବେ , କିଛି ନୂଆଁ ମନ୍ତ୍ରୀ ଆସିବେ ଓ କିଛି ମନ୍ତ୍ରୀ ଙ୍କର ବିଭାଗ ପରିବର୍ତନ ହେବ । ଅପେକ୍ଷା ଥିଲା ବ୍ରଜରାଜନଗର ଉପନିର୍ବାଚନର | କିନ୍ତୁ ଆଜି ମଧ୍ୟାହ୍ନ ପରେ ରାଜନୈତିକ ବାତାବରଣ ରୌଦ୍ର ତାପ ଠାରୁ ମଧ୍ୟ ଅଧିକ ବଢି ଯାଇଥିଲା । ବାଚସ୍ପତିଙ୍କ ସମେତ ରାଜ୍ୟ ସରକାରଙ୍କ ସମସ୍ତ ମନ୍ତ୍ରୀ ଜଣେ ପରେ ଜଣେ ନିଜର ଇସ୍ତଫା ପ୍ରଦାନ କରିଥିଲେ । ଇତି ମଧ୍ୟରେ ଆସନ୍ତା କାଲି ଏଗାରଟା ପଇଁଚାଲିସ ମିନିଟ ରେ ନୂତନ ମନ୍ତ୍ରୀ ମଣ୍ଡଳ ଶପଥ ନେବାର ସମୟ ଘୋଷଣା ହୋଇଛି ।
ଏପଟେ ଦେଖିବାକୁ ବାକି ରହିଲା ଯେ ମୁଖ୍ୟମନ୍ତ୍ରୀ ଙ୍କର ଗୁଡ଼ବୁକ ରେ ଥିବା କେଉଁ ମାନେ ପୁନର୍ବାର ମନ୍ତ୍ରୀ ମଣ୍ଡଳକୁ ପ୍ରତ୍ୟାବର୍ତ୍ତନ କରୁଛନ୍ତି , କେଉଁ ମାନେ ନୂତନ ଭାବରେ ମୁଖ୍ୟମନ୍ତ୍ରୀ ଙ୍କର ଭରସା ଜିତି ମନ୍ତ୍ରୀ ମଣ୍ଡଳରେ ସାମିଲ ହେବେ ଓ କେଉଁ ମାନଙ୍କୁ କେଉଁ ବିଭାଗ ମିଳିବ ଓ କେଉଁ ମାନଙ୍କୁ ମିଳିବ ସଂଗଠନ ର ଗୁରୁଦାୟିତ୍ୱ ପ୍ରଦାନ କରାଯିବ ।