ବ୍ରଜରାଜନଗର ଉପନିର୍ବାଚନରେ ଦ୍ଵିତୀୟ ସ୍ଥାନରେ ରହିଲା କଂଗ୍ରେସ
ହାଇ ପ୍ରୋଫାଇଲ ଷ୍ଟାର କ୍ୟାମ୍ପେନ ସତ୍ତ୍ୱେ ଅମାନତ ହରାଇଲା ବିଜେପି
ଭୁବନେଶ୍ୱର : ବ୍ରଜରାଜନଗର ଉପନିର୍ବାଚନରେ ବିଜେଡି ପୁଣି କରିଛି ବାଜିମାତ | ଦ୍ଵିତୀୟ ସ୍ଥାନରେ ଥିବା କଂଗ୍ରେସ ପ୍ରାର୍ଥୀ କିଶୋର ପଟେଲଙ୍କୁ ପ୍ରାୟ 66,122 ଭୋଟ ବ୍ୟବଧାନ ରେ ପରାଜିତ କରି ଜିତିଲେ ବିଜେଡି ପ୍ରାର୍ଥୀନୀ ଅଳକା ମହାନ୍ତି | ତୃତୀୟ ସ୍ଥାନକୁ ଠେଲି ହେଇଗଲା ବିଜେପି |
ଗତ ୩୧ ତାରିଖରେ ଅନୁଷ୍ଠିତ ବ୍ରଜରାଜନଗର ମତଦାନର ଆଜି ଗଣତି ପ୍ରାରମ୍ଭରୁ ହିଁ ବିଜେଡିର ଦବଦବା ଜାରି ରହିଥିଲା | ଗଣତି ଶେଷରେ ବିଜେଡି ପ୍ରାର୍ଥୀ ୯୩, ୭୯୦ ଭୋଟ ପାଇଥିବା ବେଳେ ତାଙ୍କର ନିକଟତମ ପ୍ରତିଦ୍ୱନ୍ଦୀ କଂଗ୍ରେସ ପ୍ରାର୍ଥୀ କିଶୋର ପଟେଲ ୨୭, ୫୬୫ ଭୋଟ ପାଇଛନ୍ତି । ବିଜେପି ପ୍ରାର୍ଥୀ ରାଧାରାଣୀ ପଣ୍ଡା ଅତ୍ୟନ୍ତ ନୈରାଶ୍ୟଜନକ ଭାବେ ପାଇଛନ୍ତି ୨୨, ୩୧୬ ଖଣ୍ଡ ଭୋଟ । ହାଇ ପ୍ରୋଫାଇଲ ଷ୍ଟାର କ୍ୟାମ୍ପେନ ସତ୍ତ୍ୱେ ଅମାନତ ହରାଇଲା ବିଜେପି |
